અમદાવાદમાં હળવો વરસાદ વહેલી સવારથી જ પડી રહ્યો હતો ત્યારે હળવા વરસાદ બાદ અત્યારે ધોધમાર વરસાદ શરુ થઈ ચૂક્યો છે. થોડા જ વરસાદમાં પાણી ભરાઈ જવાની સમસ્યાઓ અમદાવાદમાં જોવા મળી રહી છે. અત્યારે અમદાવાદમાં પૂર્વ અને પશ્ચિમ વિસ્તારમાં ભારે વરસાદ પડી રહ્યો છે. જેમાં અમદાવાદમાં અત્યારે શ્યામલ, શિવરંજની, જોધરપુર, પકવાન, નેહરુનગર, પાલડી, નિકોલ, નરોડા સહીતના મોટાભાગના વિવિધ વિસ્તારોમાં વરસાદ વરસી રહ્યો છે. વરસાદના કારણે રસ્તાઓ પર પામી ફરી વળ્યા છે.
અમદાવાદમાં કોર્પોરેશન દ્વારા કેચપીટો પહેલાથી જ ખોલીને રાખી દેવામાં આવી છે. જેથી કરીને પાણી ઓસરી શકે પરંતુ ગત 10 તારીખે પડેલા વરસાદમાં પાણી ભરાઈ જવાની સમસ્યા જોવા મળી હતી. કોર્પોરેશને 7 કરોડ રુપિયા કેચપિંટ, ડ્રેનેજ સાફ સફાઈને લઈને ફાળવ્યા હોવા છતાં પણ કેચપીટમાં કચરો ભરાઈ જવાની સમસ્યા જોવા મળતા પાણી બે દિવસ બાદ પણ ઓસરી શક્યા નહોતા. છેવટે 75 પંપ પાણી માટેના મૂકવામાં આવ્યા હતા.
જો વધુ વરસાદ અમદાવાદમાં પડે છે તો મુશ્કેલીઓ પણ સર્જાઈ શકે છે. જો કે, અમદાવાદમાં હવામાન નિષ્ણાતો 3 ઈંચ સુધી વરસાદ પડે તેવી શક્યતાઓ વ્યક્ત કરી રહ્યા છે.