મમતા બેનર્જીના નજીકના મંત્રીના ઘરે ED ના દરોડા, એટલી રોકડ મળી કે ગણતરી માટે મશિન લાવવું પડ્યું

એન્ફોર્સમેન્ટ ડિરેક્ટોરેટ (ED) એ પશ્ચિમ બંગાળમાં ભરતી કૌભાંડમાં જબરદસ્ત કાર્યવાહી કરી છે અને સવારથી ઘણી જગ્યાએ દરોડાની કાર્યવાહી ચાલી રહી છે. EDએ બંગાળના મંત્રી પાર્થ ચેટરજીના નજીકના સહયોગી અર્પિતા ચેટરજીના ઘરેથી લગભગ 20 કરોડ રોકડ જપ્ત કરી છે. બેંકના અધિકારીઓ પણ 20 કરોડ રૂપિયાની નોટો ગણવા માટે મશીન સાથે રોકાયેલા હતા. અર્પિતા મુખર્જીના ઘરેથી 20 મોબાઈલ ફોન પણ જપ્ત કરવામાં આવ્યા છે. EDએ મંત્રી પાર્થ ચેટરજીના ઘરે પણ દરોડા પાડ્યા છે. જણાવી દઈએ કે ED પશ્ચિમ બંગાળ શાળા સેવા આયોગ અને પશ્ચિમ બંગાળ પ્રાથમિક શિક્ષણ બોર્ડમાં ભરતી કૌભાંડ સંબંધિત અલગ-અલગ જગ્યાએ સર્ચ ઓપરેશન ચલાવી રહી છે.