કોરોના સંક્રમણ ધીરે ધીરે વધી રહ્યું છે કોરોના સંક્રમણની સારવાર માટે અનેક ખાનગી વાહનો પણ સરકારે આરોગ્ય ટીમને ફાળવ્યા છે શામળાજી પોલીસે રાજસ્થાનમાંથી કોવીડ-19 ઓન ડ્યુટી ડોકટર લખી ડસ્ટરમાં વિદેશી દારૂની ખેપનો બુટલેગરોના કીમિયાને ફિલ્મીઢબે પીછો કરી નિષ્ફ્ળ બનાવ્યો હતો પોલીસે 5.76 લાખનો વિદેશી દારૂ જપ્ત કરી ફરાર બુટલેગરને ઝડપી પાડવા ચક્રો ગતિમાન કર્યા હતા
શામળાજી પોલીસ રતનપુર ચેકપોસ્ટ પર રાજસ્થાન તરફથી આવતા વાહનોનું સઘન ચેકીંગ હાથધરાતા એક શંકાસ્પદ ઝડપ સાથે Covid-19 Doctor on Duty લખેલી ડસ્ટર ગાડી શંકાસ્પદ ઝડપ સાથે આવતા અટકાવવાનો પ્રયાસ કરતા બુટલેગરે કાર હંકારી મુકતા પોલીસે સરકારી જીપમાં પીછો કરતા બુટલેગર કાર દહેગામડા તરફ હંકારી મૂકી રોડ પર મૂકી બુટલેગર ફરાર થઇ જતા પોલીસે કારની તલાસી લેતા પાછળ સીટ પરથી રેડ લેબલ વિદેશી દારૂની 360 બોટલ મળી આવતા પોલીસ ચોંકી ઉઠી હતી
પોલીસે કારમાંથી 5.76 લાખના વિદેશી દારૂ સહીત 10.76 લાખનો મુદ્દામાલ જપ્ત કરી ફરાર ડસ્ટર કારના ચાલક વિરુદ્ધ પ્રોહિબિશન એક્ટ હેઠળ ગુન્હો નોંધી કાયદેસરની કાર્યવાહી હાથધરી હતી