પ્રમુખ અમિત કવિનો હુંકાર કરાર આધારીત 4થી5 લાખ કર્મચારીઓને ‘સમાન કામ, સમાન વેતન’ની માગ પર સરકાર યોગ્ય ન્યાય કરે
ગુજરાતમાં વિધાનસભાની ચૂંટણીના ડાકલા વાગી રહ્યા છે સરકારી કર્મચારીઓ તેમની પડતર માંગો લઈને સતત આંદોલન ચલાવી રહ્યા છે સરકાર માટે ભારે મૂંઝવણ ભરી સ્થિતિ પેદા થઇ છે ત્યારે વધુ એક આંદોલન શરૂ થયું છે ગાંધીનગર સત્યાગ્રહ છાવણી ખાતે સરકારી કચેરીમાં ફરજ બજાવતા કરાર આધારીત કર્મચારીઓએ તેમના પડતર પ્રશ્નોને લઈને આંદોલન પર ઉતર્યા છે
ગાંધીનગર સત્યાગ્રહ છાવણીમાં રવિવારે સવારે સરકારી કચેરીઓમાં ફરજ બજાવતા કરાર આધારીત કર્મચારીઓ રવિવારે પહોંચ્યા હતા તેમની પડતર માંગોને લઈને આંદોલન કરી આગામી સમયમાં હક્કની લડાઈ લડવા માટે આગેવાનો દ્વારા કર્મચારીઓને તેમની માગ અંગે ચર્ચા કરી હતી અને આગામી સમયમાં તેમણે શું કાર્યક્રમો કરવા જઈ રહ્યા છે તે અંગે સૂચનાઓ આપી હતી.
શું કહ્યું કરાર આધારીત કર્મચારી સંગઠનના પ્રમુખ અમિત કવિએ વાંચો
કરાર આધારીત કર્મચારી સંગઠનના પ્રમુખ અમિત કવિએ ટેલીફોનીક જણાવ્યુ હતું કે, “અમે અહિયાં અમારો હક માગવા માટે એકત્રિત થયા છે. વર્ગ 1થી લઈને 4 સુધુની કર્મચારીઓને કરાર આધારિત ભરતી કરવામાં આવે છે, તમામ લોકો વર્ષોથી ફારજ બજાવે છે તેમ છતાં તેમનું આર્થિક શોષણ કરવામાં આવે છે. ગુજરાતનાં 4થી5 લાખ કર્મચારીઓ ‘સમાન કામ, સમાન વેતન’ની માગ સાથે ભેગા થયા છે.”વિધાનસભાની ચૂંટણીમાં સરકાર માંગ નહીં સ્વીકારે તો અમે અમારા મતાધિકારનો ઉપયોગ કરીશું અને જે પક્ષ અમારી માગ સંભાળશે અને તેના ઉપર કામ કરશે તેને અમે જીતાડીશું. અમે સત્તા પક્ષ, વિપક્ષ અને અન્ય જેટલા પણ પક્ષો છે તેમણે વિનંતી કરીએ છે કે અમારી રજૂઆત સાંભળે