ભિલોડાના ભુતાવડ પાટીયા પાસે કાર અને રિક્ષા સામે ધડાકભેર ટકરાતા એક યુવાન ગંભીર રીતે ઘવાયો
અરવલ્લી જીલ્લાના ભિલોડા તાલુકામાં ખાનગી વાહન ચાલકો માંતેલા સાંઢની માફક બેફામ રીતે વાહનો હંકારતા વારંવાર ધોરીમાર્ગ પર જીવલેણ અકસ્માતો સર્જાઈ રહ્યા છે.પોલીસ તંત્ર જાણે કુંભકર્ણની નિદ્રામાં હોય તેમ લોકમુખે ચર્ચાઈ રહ્યું છે.
ભિલોડાના ભુતાવડ પાટીયા પાસે ધોરીમાર્ગ પર અજાણ્યા ચાલકે તેના કબજાની મારૂતી અર્ટીકા કાર નંબર. GJ.18.BP.5964 ના ચાલકે ગફલતભરી રીતે પુરપાટ ઝડપે કાર હંકારતા બજાજની C.N.G રિક્ષા નંબર. G.J.09.AX.2076 ને ધડાકભેર ટક્કર મારતા હાથીયા ગામના રોહિત અરવિંદભાઈ બોડાતના હોઠ ફાટી ગયેલ અને જીભ ફાટી ગયેલ છે.માથાના ભાગે,શરીર પર ઈજાઓ પહોંચતા સારવાર અર્થે તાત્કાલિક ધોરણે કોટેજ હોસ્પિટલમાં ખસેડાયા હતા.કાર ચાલક અકસ્માત બાદ કાર મુકીને પલાયન થઈ ગયેલ છે.હાથીયા ગામના ખેડૂત અરવિંદભાઈ થાવરાજી બોડાતે અકસ્માતના બનાવ સંદર્ભે અજાણ્યા કાર ચાલક વિરૂધ્ધ ફરિયાદ નોંધાવતા પોલીસે ગુનો નોંધી વધુ કાર્યવાહી હાથ ધરી છે.