વનવિભાગના જંગલોમાં કામ કરતા રોજમદારો અને ચોકીદારો પોતાના હક માટે લડે છે પણ અધિકારીઓને પસંદ નથી…!!
સમગ્ર ગુજરાતાં વિવિધ વિભાગોના સરકારી કર્મચારીઓ પોતાની પડતર માંગણીઓને લઇને હડતાળ પર ઉતરી ગયા છે ત્યારે આઉટસોર્સિંગ અને રોજમદાર તરીકે કામ કરતા કર્મચારીઓ પણ પોતાની પડતર માંગણીને લઇને હડતાળ પર ઉતર્યા છે. જોકે આવા રોજમદારોને હડતાળ પર ઉતરવા માટે રોકવામાં આવી રહ્યા હોવાની માહિતી મળી છે.
અરવલ્લી જિલ્લાના વનવિભાગના જંગલોની રક્ષા કરતા રોજમદાર, ચોકીદાર અને માળી તરીકે કામ કરતા લોકોના પગાર વધારો અને કાયમી કરવાની માંગ સાથે તેઓ હડતાળ યોજી છે જોકે તેઓની માંગ સંતોષવાને બદલે અધિકારીઓ આવા નાના કર્મચારીઓને દબાવવાનો પ્રયાસ કરતા હોય તેવું લાગે છે. આડકતરી રીતે કેટલાક અધિકારીઓ એમ કહી રહ્યા છે કે, તમે હડતાળ પર ઉતરશો તો છૂટા કરી દેવાશે.
હક માટે ગાંધી માર્ગે આંદોલન કરવો તે તમામ વ્યક્તિનો અધિકાર છે પણ આવા અધિકારીઓ ઉચ્ચ હોદ્દા પર બેસી જાય પછી આખા સામ્રાજ્ય પર કબજો જમાવી દીધો હોય તેવો રોફ મારે છે પણ એકવાર રોજમદાર તરીકે કામ કરો અને રોજમદારને તમારી જગ્યા પર બેસાડી દો તો ખ્યાલ આવશે.
શાંતિપૂર્ણ રીતે તેઓ પોતાનો હક માંગ રહ્યા છે તો કેમ રોકવામાં આવી રહ્યા છે તે પણ એક સવાલ છે. હાલ વનવિભાગના બીટગાર્ડ અને ફોરેસ્ટર હડતાળ કરી રહ્યા છે તો શું રોજમદાર અને ચોકીદારને પોતાનો હક્ક માંગવાનો અધિકાર નથી કે શું ? અરવલ્લી જિલ્લાન વનવિભાગમાં ફરજ બજાવતા રોજમદારો અને ચોકીદારો પગાર વધારો અને કાયમી કરવાની માંગ સાથે હડતાળમાં જોડાયા છે. આ પહેલા તેમણે અરવલ્લી જિલ્લા કલેક્ટર અને જિલ્લા ફોરેસ્ટ અધિકારીને આવેદન પત્ર આપીને રજૂઆત કરી હતી જોકે, તેઓને કોઇપણ પ્રકારનો જવાબ નહીં આવતા આખરે તેઓ હડતાળમાં જોડાઈ ગયા છે.