ઉત્તર ગુજરાત યુનિવર્સીટીની આંતર કોલેજ યુનિ ની રમત ગમત ની વિવિઘ સ્પર્ધાઓ ચાલી રહી છે ત્યારે શ્રી કલજીભાઈ આર કટારા આર્ટસ કોલેજ, શામળાજીની કબડ્ડી (ભાઈઓ) ની ટીમ ઈડર મુકામે યોજાયેલ કબડ્ડી ટુર્નામેન્ટમાં કુલ ૫૩ ટીમો જોડાઈ હતી એમાંથી ખેરાલુ કોલેજને ફાઇનલમાં પરાજીત કરી શાનદાર જીત હાંસલ કરી હતી.
શામળાજી કબડ્ડી ટીમના કેપ્ટન કાલિદાસ, વિપુલ, મેહુલ, ચિરાગ, નિકુંજ, યુવરાજ, જય, હરીશ, લક્ષ્મીકાન્ત, ધર્મેશ, પીન્ટુ, માઈકલ અને સાહિલે જોમ જુસ્સાપૂર્વક, પીછેહઠ કર્યા વિના, પુરી તાકાતથી મુકાબલો કરી ખેરાલુ જેવી બળવાન ટીમને પરાસ્ત કરી શાનદાર વિજય પ્રાપ્ત કર્યો હતો આ તબક્કે ટ્રસ્ટી દિલીપભાઇ કટારાએ, કોલેજના પ્રિન્સીપાલ ડો અજય કે પટેલે સમગ્ર ટીમ, કોચ ડો. અજીતસિંહ ચૌહાણ,સ્પોર્ટસ ઈન ચાર્જ ડો વસંત ગાંવિતને બિરદાવ્યા હતા અને તમામ વિજેતા પ્લેયરને ઉત્તરોત્તર પ્રગતિ પામે તેવી શુભકામનાઓ પાઠવી હતી કોલેજના સ્ટાફ મિત્રોએ પણ આ પ્રસંગે આનંદ અને ગૌરવની લાગણી અનુભવી હતી