અરવલ્લી જિલ્લા સેવા સદનમાં ધમકીભર્યા ઈમેલ મળી રહ્યા છે, ગત 7 મે ના રોજ ધમકીભર્યો ઈમેલ મળ્યો હતો, જેને તપાસ હાથ ધરી હતી, જોકે એક જ મહિનામાં બીજીવાર ધમકીભર્યો ઈમેલ આવતા, સમગ્ર જિલ્લા સેવાસદનમાં અફરા-તફરીનો માહોલ સર્જાયો હતો. પોલિસ પહોંચી હતી અને અરજદારોની સુરક્ષાને ધ્યાનમાં રાખીને, પોલિસે તમામ શાખાઓમાં તપાસ કરી હતી, જોકે કંઈ જ શંકાસ્પદ વસ્તુ ન મળતા તંત્રએ રાહતનો શ્વાસ લીધો હતો.
અરવલ્લી જિલ્લા સેવા સદનમાં 8 critical RDX IEDs placed in Arvalli Collector office-evacuate all મેઇલ પ્રાપ્ત થયાની ઘટનાને પગલે જિલ્લા વહીવટી તંત્ર દ્વારા તાત્કાલિક અને કડક સુરક્ષા પગલાં લેવામાં આવ્યા છે. આ ઘટનાની ગંભીરતાને ધ્યાનમાં રાખીને, જિલ્લા પોલીસ અને અન્ય સુરક્ષા એજન્સીઓએ તપાસ હાથ ધરવામાં આવી છે. મેઇલની જાણ થતાં જ, અરવલ્લી જિલ્લા સેવા સદનના સમગ્ર પરિસરમાં સુરક્ષા વ્યવસ્થા વધારી દેવામાં આવી હતી. બોમ્બ ડિસ્પોઝલ સ્કવૉડ (બોમ સ્કવૉડ) ટીમોને તાત્કાલિક ઘટનાસ્થળે મોકલવામાં આવી હતી અને જરૂરી ચકસણી કરવામાં આવી હતી. જેમણે સેવા સદનના પરિસરની સંપૂર્ણ તપાસ કરી. આ ઉપરાંત, સાયબર સુરક્ષા નિષ્ણાતોની ટીમે મેઇલની ઉત્પત્તિ અને તેની સત્યતા ચકાસવા માટે તપાસ શરૂ કરી છે.
અરવલ્લી જિલ્લા વહીવટી તંત્રે નાગરિકોને શાંતિ જાળવવા અને અફવાઓથી દૂર રહેવા અપીલ કરી છે. સેવા સદનની આસપાસના વિસ્તારોમાં પોલીસ બંદોબસ્ત વધારી દેવામાં આવ્યો છે, અને પરિસ્થિતિ પર સતત નજર રાખવામાં આવી રહી છે. આ ઘટના સંદર્ભે વધુ માહિતી મળે તેમ, તેને યથાસમયે જાહેર કરવામાં આવશે. અરવલ્લી જિલ્લા વહીવટ અને પોલીસ તંત્ર નાગરિકોની સુરક્ષા અને સેવા સદનની સુચારુ કામગીરી જાળવવા માટે પૂર્ણપણે પ્રતિબદ્ધ છે. કોઈપણ શંકાસ્પદ પ્રવૃત્તિની જાણ નજીકના પોલીસ સ્ટેશન અથવા નિયંત્રણ કક્ષમાં કરવા વિનંતી છે. વારંવાર આવી ઘટનાઓ ઘટવા પામે છે, છતાં આટલી આધુનિક વ્યવસ્થા વચ્ચે પોલિસ કેમ કોઈ વ્યક્તિ સુધી નથી પહોંચી શકી, તે સવાલ છે.
