સ્વરાજ્યની ચૂંટણીમાં માલપુર ગ્રામ પંચાયતની ચૂંટણી આકર્ષણનું કેન્દ્ર રહી હતી જેમાં માલપુર સરપંચ તરીકે ભારતીબેન ઉપાધ્યય વિજેતા બન્યા પછી ઉપરપંચ પદની ચૂંટણીમાં તેમના પતિ અને અન્ય એક સભ્યએ દાવેદારી નોંધાવતા સ્થાનિક રાજકારણમાં ગરમાવો આવ્યો હતો જેમાં મહિલા સરપંચના પતિ મહેશ ઉપાધ્યાય ઉપ સરપંચ બન્યા હતા તેમના હરીફ ઉમેદવારનું ફોર્મ લેટ આવ્યું હોવાનું કારણ ચૂંટણી અધિકારીએ આપતા ભારે હોબાળો મચ્યો હતો ત્રણ વાર સામાન્ય સભા બિન કોરમ થઇ હતી તેમ છતાં માલપુર ગ્રામ પંચાયત પર દંપતીનો દબદબો યથાવત રહ્યો હતો
માલપુર ગ્રામ પંચાયતમાં સતત વિવાદોના ઘેરામાં ઘેરાયેલી રહી હતી આખરે રાજકીય દાવપેચમાં માહેર ગણાતા ડેપ્યુટી સરપંચ મહેશ ઉપાધ્યાયે રાજીનામુ ધરી દીધું હતું અને નવા ડેપ્યુટી સરપંચ તરીકે પીયૂષ ત્રિવેદી જાહેર થતાની સાથે ગામલોકોમાં આનંદ છવાયો હતો આખરે અરવલ્લી જિલ્લાના ઇતિહાસમાં ગ્રામ પંચાયતની ચૂંટણીમાં સૌપ્રથમ વાર પત્ની સરપંચ અને પતિ ઉપ સરપંચ તરીકેનો દબદબાની પુર્ણાહુતી થઇ હતી