ઉનાળાની શરૂઆત થવાની સાથે વાહનોમાં આગ લાગવાની ઘટનાઓ વધી રહી છે અરવલ્લી જીલ્લાના મોડાસા શહેરના હંગામી બસ સ્ટેન્ડમાં ઉભી રહેલી બસમાં અગમ્ય કારણોસર આગ લાગતા ઉભેલી બસમાંથી ધુમાડાના ગોટેગોટા નીકળતા કર્મચારીઓ ચોકી ઉઠ્યા હતા બસમાં આગ લાગતા કર્મચારીઓ અને ફાયર બ્રિગેડની ટીમે આગ પર કાબુ મેળવતા ડેપોમાં આગ પ્રસરતી અટકી હતી બસમાંથી આગના લબકારા અને ધુમાડાના પગલે બસ સ્ટેન્ડમાં અફરાતફરીનો માહોલ સર્જાયો હતો સદનસીબે ઉભી રહેલી બસમાં આગ લાગતા જાનહાની ટળી હતી
મોડાસા શહેરના મેઘરજ રોડ પર આવેલ હંગામી બસ સ્ટેન્ડમાં ઉભી રહેલી બસના આગળના ભાગમાં અચાનક આગ લાગી હતી આગ લાગતા બસ સ્ટેન્ડમાં અફરાતફરી માહોલ જોવા મળ્યો હતો એન્જીનના ભાગમાં લાગેલી આગના પગલે સમગ્ર બસ ધૂમાડાના ગોટેગોટામાં ફેરવાઈ ગઈ હતી બસમાં આગ લગતા ફાયર બ્રિગેડની ટીમે ઘટનાસ્થળે પહોંચી આગ પર કાબુ મેળવ્યો હતો આગના પગલે બસનું ડ્રાઇવર કેબીન અને એંજીનનો ભાગ આગમાં સ્વાહા થઇ ગયો હતો બસમાં આગ લાગતા મુસાફરો અને લોકોના ટોળેટોળા ઉમટ્યા હતા