સનકી પૂર્વ પતિનું
અરવલ્લી જીલ્લામાં 181 અભયમ હેલ્પલાઈન ઘરેલુ હિંસાનો ભોગ બનેલ પીડિત મહિલાઓ અને યુવતીઓ માટે આશીર્વાદ રૂપ સાબિત થઇ રહી છે મોડાસા શહેરમાં સહયોગ બાયપાસ ચોકડી નજીક ફ્લેટમાં પુત્ર સાથે રહેતી મહિલાના ઘરે રાત્રીના સુમારે પૂર્વ સનકી પતિ રિવોલ્વર જેવું હથિયાર લઇ પહોંચી પુત્ર સોંપી દેવાની અને ઘર ખાલી કરી દેવાની ધમકી આપી કાચ તોડી નાખતા મહિલા અને તેનો પુત્ર ફફડી ઉઠ્યા હતા પીડિત મહિલાએ 181 અભયમ હેલ્પલાઈનની મદદ માંગતા પૂર્વ પતિ બાઈક લઈને ફરાર થઇ ગયો હતો 181 અભયમની ટીમે મોડાસા ટાઉન પોલીસની મદદથી દબોચી લઇ જેલના સળિયા પાછળ ધકેલી દીધો હતો
અરવલ્લી જીલ્લા 181 અભયમ હેલ્પલાઈનના કાઉન્સિલર ચેતના ચૌધરી અને તેમની ટીમ અનેક પીડિત મહિલાઓ માટે મદદરૂપ બની છે મોડાસા શહેરની સહયોગ બાયપાસ ચોકડી નજીક એક ફ્લેટમાં પુત્ર સાથે રહેતી મહિલાના ઘરે તેનો પૂર્વ સનકી પતિ રિવોલ્વર જેવું હથિયાર લઇ બુધવારે રાત્રીના 9 વાગ્યાના સુમારે પહોંચી કાચ તોડી નાખી મહિલા સામે રિવોલ્વર જેવું હથિયાર તાકી ઘર ખાલી કરી દેવા અને પુત્ર તેને સોંપી દેવા માંગ કરી હંગામો કરતા આજુબાજુથી લોકો દોડી આવ્યા હતા રિવોલ્વર જેવું હથિયાર જોઈ મહિલાની મદદ કરવા કોઈ આગળ ન આવતા મહિલાએ 181 અભયમ હેલ્પલાઈનની મદદ માંગતા તાબડતોડ અભયમની ટીમ પહોંચતા મહિલાનો પૂર્વ પતિ બાઈક પર નાસી છૂટતા અન્ય લોકોએ બુમાબુમ કરતા 181 અભયમ ટીમે સનકી પતિનો પીછો કરી ટાઉન પોલીસની મદદ લઈ સહયોગ ચોકડી નજીકથી ઝડપી પાડી ટાઉન પોલીસને સોંપી દેતા પોલીસે પીડિત મહિલાની ફરિયાદના આધારે કાયદેસરની કાર્યવાહી હાથધરી હતી
181 અભયમ મહિલા કાઉન્સિલર ચેતના ચૌધરીના જણાવ્યા અનુસાર
મોડાસાના ખલીકપુર નજીક ફ્લેટમાં રહેતી એક મહિલાએ અભયમ 181 હેલ્પલાઈન પર કોલ કરી તેનો પતિ રિવોલ્વર લઇ તેને મારી નાખવા માટે ઘરની બહાર ઉભો રહ્યો હોવાની જાણ કરતા તાત્કાલિક ટીમ સાથે ઘટનાસ્થળે પહોંચતા મહિલાનો પતિ નીકળી જતા તેનો પીછો કરી ટાઉન પોલીસની મદદથી સહયોગ ચોકડી નજીકથી ઝડપી લીધો હતો પીડિત મહિલા અને તેના પુત્રને સાંત્વના આપી હિંમત આપતા મહિલાએ પોલીસ સ્ટેશનમાં ફરિયાદ નોંધાવવા લઈને આવ્યા છીએ અગાઉ પણ મહિલાએ ઘરેલુ હિંસા માટે મદદ લેતા હતા ત્યારે વારંવાર બંનેનો ઘર સંસાર ન તૂટે તે માટે પતિ-પત્નીને સમજાવ્યા હતા બંનેએ પ્રેમથી છૂટાછેડા લીધા હતા પૂર્વ પતિ જાનથી મારી નાખવાની ધમકી આપી માનસિક અને શારીરિક ત્રાસ આપતો હતો
સાંભળો સનકી પતિનો ભોગ બનેલી પીડિત મહિલાની વ્યથા તેના શબ્દોમાં
મારા છૂટાછેડા થઇ ગયા હોવા છતાં પૂર્વ પતિ મારતો હોવાની સાથે હેરાન પરેશાન કરે છે આજે રાત્રે ઘરે આવ્યો રિવોલ્વર બતાવી ઘરનો કાચ અને દરવાજો તોડી નાખી મારી નાખવાની ધમકી આપી હતી દારૂ પીને વારંવાર માનસિક અને શારીરિક ત્રાસ આપી ઘર અને છોકરો મારો છે આપી દેવાની માંગણી કરે છે પોલીસ સ્ટેશનમાં ફરિયાદ નોંધાવવા આવી હોવાનું જણાવ્યું હતું