અરવલ્લી જીલ્લા પોલીસવડા શૈફાલી બારવાલના આગમન પછી પોલીસતંત્ર પ્રોહિબિશનની શખ્ત અમલવારી માટે સતત દોડાદોડી કરી રહી છે જીલ્લા એલસીબી પોલીસે બાયડ પોલીસને અંધારામાં રાખી શહેરમાં વિદેશી દારૂના વેપલાનો પર્દાફાશ કરી કાર્તિક અરજણ ઉર્ફે અકો સલાટના ઘરમાંથી 67 હજારનો વિદેશી દારૂ જપ્ત કરી કાયદેસરની કાર્યવાહી હાથધરી હતી
અરવલ્લી એલસીબી પીઆઈ કે.ડી.ગોહિલ અને તેમની ટીમે બાયડ પોલીસ સ્ટેશનમાં પેટ્રોલિંગ હાથધરતા જુના બસ સ્ટેન્ડ નજીક રહેતો કાર્તિક અરજણ ઉર્ફે અકો સલાટ (મારવાડી) તેના ઘરમાં વિદેશી દારૂનો અડ્ડો ચલાવતો હોવાની બાતમી મળતા એલસીબી પોલીસે તાબડતોડ કાર્તિક સલાટના ઘરે રેડ કરી ઘરની તલાસી લેતા ઘરમાંથી વિદેશી દારૂની બોટલ નંગ-311 કીં.રૂ.67100/- નો જથ્થો જપ્ત કરી પોલીસ રેડ જોઈ ફરાર બુટલેગર કાર્તિક અરજણ ઉર્ફે અકો સલાટ સામે બાયડ પોલીસ સ્ટેશનમાં પ્રોહિબિશન એક્ટ હેઠળ ગુન્હો નોંધાવતા પોલીસે બુટલેગરને ઝડપી પાડવા ચક્રો ગતિમાન કર્યા હતા
