test
39 C
Ahmedabad
Saturday, June 15, 2024

અરવલ્લી : મોડાસામાં બે ગઠિયાએ રાજસ્થાની ડ્રાઇવરને નકલી સોના નો હાર પધરાવી 46 હજાર પડાવી લીધા,LCBએ બંનેને ઝડપી લીધા


 

Advertisement

મોડાસા શહેરની હોસ્પિટલમાં દર્દીને લઈને આવેલા રાજસ્થાની ડ્રાઇવરને હોસ્પિટલ બહાર બે ગઠિયાએ રાજસ્થાની તરીકે ઓળખ આપી વિશ્વાસ કેળવી ખોદકામ દરમિયાન અડધા કિલો સોનાનો હાર મળ્યો હોવાનું કહી લલચાવી સોનાના બે સાચા દાણા ચેક કરવા આપ્યા બાદ સતત ડ્રાઇવરનો મોબાઈલ પર સંપર્ક બનાવી આખરે બંને ગઠિયાઓએ ડ્રાઇવરને નકલી સોનાનો હાર પધરાવી 46 હજારથી વધુ રૂપિયા ખંખેરી લેતા ડ્રાઇવર અને તેનો પરિવાર સોનાનો હાર સોની પાસે ચેક કરાવતા નકલી હોવાનું જણાવતા ડ્રાઇવરે મોડાસા ટાઉન પોલીસ સ્ટેશનમાં ફરિયાદ નોંધવાતા એલસીબી પોલીસે બંને ઠગ્સને ગણતરીના કલાકોમાં ડુગરવાડા ચકડી નજીકથી દબોચી લઇ 40 હજાર રિકવર કર્યા હતા      

Advertisement

 

Advertisement

રાજસ્થાનના બીછીવાડામાં રહેતા સુરેન્દ્રસિંહ પૃથ્વીસિંહ ચૌહાણ નામનો ડ્રાઇવર થોડા દિવસ અગાઉ મોડાસાની ખાનગી હોસ્પિટલમાં દર્દીને સારવાર માટે લઈને આવ્યો હતો હોસ્પિટલ બહાર ઉભો હતો ત્યારે ભવર બાબુ સલાટ અને રવિ ગંગારામ સલાટ તેની પાસે પહોંચી રાજસ્થાની છો કહી વાતચીત કર્યા બાદ એકબીજાના મોબાઇલની આપલે કર્યા પછી ભવર લાલે કમલેશ બાબુ અખરિયા તરીકે ઓળખ આપી કોલ કરી તેને વાપીમાં માર્બલ ખોદકામ દરમિયાન અડધા કિલો સોનાનો હાર મળ્યો હોવાનું અને તેની પાસેથી સોની ખરીદી નહીં કરે જણાવી મોડાસા બસ સ્ટેન્ડ પાસે બોલાવી ભવર અને રવિએ બે સોનાના સાચા દાણા આપી ચેક કરાવવાનું જણાવતા સોનાના દાણા સાચા હોવાથી ડ્રાઇવરને લાલચ આપી સોનાનો હાર વેચી આપી મળેલ રકમમાંથી પૈસા આપવાનું કહી લલચાવ્યા બાદ ડ્રાઇવરને બે લાખમાં સોનાનો હાર વેચવાનું જણાવતા ડ્રાઇવર પાસે 50 હજારની સગવડ હોવાનું જણાવ્યુ હતું    

Advertisement

                                                                 સુરેન્દ્રસિંહ ચૌહાણને બંને ગઠિયાઓએ વિશ્વાસમાં લઇ 50 હજારમાં સોનાનો હાર આપવાનું કહેતા ડ્રાઇવર પરિવાર સાથે કાર લઇ મોડાસા બોલાવી નકલી હાર પધરાવી ડ્રાઇવર પાસે રહેલા રૂ.46600/-લઇ બંને ગઠિયા ફરાર થઈ ગયા હતા ડ્રાઇવરે સોનાનો હાર મોડાસાના જ્વેલર્સ પાસે ચેક કરાવતા નકલી હોવાનું જણાવતા પગ તળેથી ધરતી ખસી ગઈ હતી મોડાસા ટાઉન પોલીસ સ્ટેશનમાં ફરિયાદ નોંધાવતા ટાઉન પોલીસે ગુન્હો નોંધી કાયદેસરની કાર્યવાહી હાથધરી હતી. 

Advertisement

  અરવલ્લી જીલ્લા એલસીબી પોલીસે મોડાસા ટાઉન પોલીસ સ્ટેશન વિસ્તારમાં પેટ્રોલિંગ હાથધરતા રાજસ્થાની ડ્રાઇવરને અસલી સોનાનો હાર કહી નકલી હાર પધારવી દેનાર બે ગઠિયા ડુગરવાડા ચોકડી નજીક હોવાની બાતમી મળતા તાબડતોડ ડુગરવાડા ચોકડી નજીક પહોચી ભવર બાબુ સલાટ (રહે,હાલ બાયડ પોલીસ સ્ટેશન સામે,મૂળ.રહે.બાંકડા-રાજ) અને રવિ ગંગારામ સલાટ (રહે.ગોયલી-રાજ)ને દબોચી લઇ છેતરપિંડી કરી મેળવેલ રકમમાંથી રૂ.40200/- અને મોબાઈલ મળી રૂ.40700/-નો મુદ્દામાલ જપ્ત કરી બંને આરોપીને ટાઉન પોલીસને સોંપવા તજવીજ હાથધરી હતી 

Advertisement
Advertisement

Related Articles

LEAVE A REPLY

Please enter your comment!
Please enter your name here

- Advertisement -
- Advertisement -

વિડીયો

- Advertisement -
error: Content is protected !!