અંકિત ચૌહાણ/જય અમીન
અરવલ્લી જિલ્લા પોલિસ હેડ ક્વાર્ટર ખાતે પોલિસ સ્ટાફ ના બાળકોને સન્માનિત કરવાનો કાર્યક્રમ યોજાયો હતો. અરવલ્લી જિલ્લા પોલિસ વડા મનોહરસિંહ જાડેજા, ડીવાયએસપી રણજીતસિંહ ડાભી સહિતના ઉચ્ચ અધિકારીઓની ઉપસ્થિતિમાં આ કાર્યક્રમ યોજાયો હતો. આ કાર્યક્રમમાં સારા ગુણ પ્રાપ્ત કરનાર બાળકોને પ્રોત્સાહિત કરાયા હતા.
અરવલ્લી જીલ્લા ખાતે ફરજ બજાવતા અધિકારીઓ, કર્મચારી તેમજ સિવિલીયન સ્ટાફના કર્મચારીઓના બાળકોને વર્ષ- ૨૦૨૪-૨૫ માંં સારા ગુણ મેળવ્યા હોય, તે બાળકોને સન્માનિત કરાયા હતા. આ તમામ બાળકોને વધુ અભ્યાસ કરવા પ્રોત્સાહન મળે તેવા આશયથી પોલીસ હેડક્વાર્ટર ખાતે પોલીસ અધિક્ષક મનોહરસિંહ જાડેજાના હસ્તે ઇનામ વિતરણ કાર્યક્રમ યોજાયો હતો. આ કાર્યક્રમમાં જીલ્લામાંથી કુલ 31 પોલીસ કર્મચારીઓના બાળકોને પ્રોત્સાહન સ્વરૂપે ચેક આપવામાં આવ્યા હતા. પોલીસ અધિક્ષક દ્વારા બાળકોને આવનાર ભવિષ્યમાં વધુ સફળતા પ્રાપ્ત કરે તેવી શુભેચ્છાઓ પાઠવવામાં આવી હતી.
