હિંમતનગર સાબર ડેરી વિસ્તારમાંથી થોડા દિવસો પહેલા ચોરી થયેલ બાઇક ના આરોપીને બી ડિવિઝન પોલીસે ઝડપી પાડી જેલના સળિયા પાછળ ધકેલ્યો
હિંમતનગર શહેરમાં દિવસે દિવસે ચોરીના ગુનાઓ વધી રહ્યા છે ત્યારે હિંમતનગરના સાબરડેરી વિસ્તારમાં થી બે દિવસ પહેલા મોટર સાયકલ ચોરી થયાની ફરિયાદ એ ડિવિઝન પોલીસ સ્ટેશનમાં નોંધાઈ હતી. જેને પગલે પોલીસે બાઇક ચોર ને પકડવા તજવીજ હાથ ધરી હતી ત્યારે તારીખ 15/6/2022 ના રોજ બી ડિવિઝન પોલીસ બસ સ્ટેન્ડ તરફ પેટ્રોલિંગમાં હતી તે દરમિયાન ખાનગી બાતમી મળી હતી કે એક ઈસમ ચોરીને મોટરસાયકલ લઈને હિંમતનગર બસ સ્ટેન્ડ વિસ્તાર તરફ જઈ રહ્યો છે જેને આધારે બી ડિવિઝન પોલીસે વોચ ગોઠવી આવતા ઈસમને ઉભો રાખી પૂછપરછ કરતા ગાડી ના જરૂરી કાગળ ડોક્યુમેન્ટ માગતા ,ન હોવા નું જણાવ્યું હતું અને પોતે બે દિવસ પહેલા સાબર ડેરી વિસ્તાર માંથી બાઈક ચોરી કર્યા હોવાનું જણાવતા પોલીસે પોકેટ કોપ માં સર્ચ કરતાં ચોરાયેલી બાઈક ની ફરિયાદ હિંમતનગર એ ડિવિઝનમાં ગુનો દાખલ થયો હોવાનું જાણવા મળતા આરોપીને પકડી પાડી એ ડિવિઝન પોલીસને સોંપ્યો હતો. ત્યારે એ ડીવીઝન પોલીસે દશરથભાઈ મંગાભાઈ નામના ઈસમ વિરુદ્ધ આઈ. પી. સી કલમ 379 મુજબ ગુનો દાખલ કરી કાયદેસરની કાર્યવાહી હાથ ધરી છે.
પકડાયેલ અરોપી – દશરથભાઇ મંગાભાઈ રહે મુ.તાજપુરી તા. હિંમતનગર સાબરકાંઠા.
