અરવલ્લી જીલ્લા પોલીસવડા શૈફાલી બારવાલના આગમન પછી બુટલેગરો સામે શખ્ત કાર્યવાહી કરતા બુટલેગરોમાં ફફડાટ ફેલાયો છે બુટલેગરો વિદેશી દારૂ ઘુસાડવા નિતનવા નુસ્ખા અપનાવી રહ્યા છે શામળાજી પોલીસે પીકઅપ ડાલામાં લીલા મરચાની આડમાં વિદેશી દારૂ ઘુસાડવાનો પર્દાફાશ કરી પીકઅપ ડાલામાંથી વિદેશી દારૂની 2088 બોટલ સાથે રૂ.9.80 લાખથી વધુનો મુદ્દામાલ જપ્ત કરી ખેપિયાને ઝડપી લીધો હતો
શામળાજી પીએસઆઈ દેસાઈ અને વાઘેલાએ પોલીસ સ્ટેશન વિસ્તારમાં સઘન પેટ્રોલિંગ હાથધરવાની સાથે રાજસ્થાન તરફથી આવતા વાહનોનું ચેકીંગ હાથધરી વિવિધ વાહનોમાંથી સતત વિદેશી દારૂ ઝડપી બુટલેગરો પર તવાઈ બોલાવી છે રાજસ્થાન તરફથી પીકઅપ ડાલામાં લીલા મરચાની આડમાં વિદેશી દારૂની હેરાફેરી થતી હોવાની બાતમી મળતા પોલીસે રતનપુર ચેકપોસ્ટ પર વોચ ગોઠવી બાતમી આધારિત પીકઅપ ડાલું આવતા અટકાવી તલાસી લેતા પીકઅપ ડાલામાં મરચાની બેગ પાછળ સંતાડેલ વિદેશી દારૂની બોટલ નંગ-2088 કીં.રૂ.478560/- નો જથ્થો જપ્ત કરી ચાલક અશોક બુદ્ધિપ્રકાશ જાંગીડ (રહે,જયપુર-રાજ) ને દબોચી લઈ વિદેશી દારૂ,મોબાઈલ અને પીકઅપ ડાલુ મળી રૂ.9.80 લાખથી વધુનો મુદ્દામાલ જપ્ત કરી પીકઅપ ડાલામાં દારૂ ભરી આપનાર રાજસ્થાન સીકરના બુટલેગર રાજેશ ભીમારામ ચૌધરી અને તેની સાથે રહેલા બે શખ્સો સામે પ્રોહિબિશન એક્ટ હેઠળ ગુન્હો નોંધી ઝડપી પાડવા ચક્રો ગતિમાન કર્યા હતા
