અરવલ્લી જીલ્લાના મુખ્યમથક મોડાસા શહેરમાં રોડ રોમિયો અને આવારાપન કરતા લુખ્ખાઓ સામે ટાઉન પોલીસે દંડો ઉગામી કાયદાનું ભાન કરાવી રહી છે મોડાસાના માલપુર રોડ પર કેનાલ પાસેથી પસાર થતી યુવતીનો હાથ પકડી મોઢું દબાવવાનો પ્રયત્ન કરી છેડતી કરનાર બે લુખ્ખાઓને મોડાસા ટાઉન પોલીસે ગણતરીના કલાકોમાં દબોચી લઇ ઘટનાસ્થળે લઈ જઈને ક્રાઈમ રિકન્સ્ટ્રક્શન કરતા લોકોના ટોળેટોળાં ઉમટ્યા હતા બંને લુખ્ખાની પોલીસે ચાલ બદલી નાખી હતી
મોડાસા શહેરના માલપુર રોડ પર આવેલ કેનાલ રોડ પર યુવતીને એકલી જોઈ બે લુખ્ખાઓના મનમાં વાસનાનો કિડો સળવળતા યુવતી પાસે પહોંચી હાથ પકડી લઇ મોઢું દબાવતા યુવતી ચોંકી ઉઠી હતી યુવતીએ હિંમત દાખવી બુમાબુમ કરી બંને હવસખોર ફરાર થઇ ગયા હતા યુવતી તેની સાથે છેડતીની ઘટના બનતા ચોંકી ઉઠી હતી અને મોડાસા ટાઉન પોલીસ સ્ટેશનમાં ફરિયાદ નોંધાવી હતી
મોડાસા ટાઉન પીઆઈ રોહિત ચૌધરી અને તેમની ટીમે ભોગ બનનાર યુવતીને શાંતવાના આપી બંને હવસખોરને ગણતરીના કલાકોમાં ઝડપી પાડી કાયદાનો પાઠ ભણાવી કેનાલ રોડ પર લઇ જઈ ઘટનાનું ક્રાઈમ રિકન્સ્ટ્રક્શન કરવામાં આવતા લોકોના ટોળેટોળાં ઉમટ્યા હતા બંને લુખ્ખાઓ પોલીસની માફી માંગતા અને બે હાથજોડી હવેથી ભૂલ નહીં થાય કહી રીતસરના કાકલુદી કરતા જોવા મળ્યા હતા
