શામળાજી પંથકમાં લુખ્ખા તત્ત્વોનો રંજાડ વધી રહ્યો છે ભિલોડાના પહાડીયા ગામનું યુવાન દંપતિ કડવથ ગામની નવરાત્રીમાં કાર પાર્કિંગ કરતા સમયે બાઈક પર રહેલા બે રહેલા બે ટપોરીઓએ કારમાં બેઠેલી યુવતીની છેડતી કરતા પતિએ બંને યુવકને ટપોરતા બેફામ બનેલ યુવકે ચપ્પુ વડે હુમલો કરી ગડદાપાટુનો મારમારી સોનાનો દોરો તોડી લેતા દંપતીએ બુમાબુમ કરતા લોકો દોડી આવતા બંને શખ્સો ફરાર થઇ ગયા હતા શામળાજી પોલીસે બે શખ્સો સામે ગુન્હો નોંધી કાયદેસરની કાર્યવાહી હાથધરી હતી
ભિલોડા તાલુકાના પહાડીયા ગામના પરમજીતભાઈ નારાયણભાઈ ભોઈ તેમની પત્ની સાથે કારમાં શામળાજી નજીક આવેલ કડવથ ગામની નવરાત્રીમાં ગરબા રમવા ગયા હતા કાર પાર્કિંગ કરતા હતા ત્યારે બાઈક લઇ ઉભેલા બે યુવકોએ બોલાચાલી કરતા કાર ચાલકે કારનો કાચ ખોલતા કડવથના જગદીશ મનજી પારઘીએ કારની અંદર હાથ નાખી કારમાં બેઠેલી પત્નીની છેડતી કરતા પરમજીતભાઈએ વિરોધ કરતા કાર બહાર નીકળતા જગદીશ અને તેના ભાઈએ ગડદા પાટુનો મારમારી પરમજીતભાઈ પર ચપ્પુ વડે હુમલો કરી સોનાની ચેઇન તોડી ફરાર થઇ જતા ભારે પરમજીત ભાઈને સારવાર અર્થે દવાખાને ખસેડાયા હતા
શામળાજી પોલીસે પહાડીયા ગામના પરમજીતભાઈ નારાયણભાઈની ફરિયાદના આધારે જગદીશ મનજી પારઘી અને પિન્ટુ મનજી પારઘી સામે ગુન્હો નોંધી ઝડપી પાડવા ચક્રો ગતિમાન કર્યા હતા
