વિજયનગર અને ચિઠોડામાં અને ગ્રામ્ય વિસ્તારોમાં છેલ્લા ચાર દિવસથી સતત પાછોતર વરસાદ બાદ વાતાવરણમાં એકાએક પલટો આવતા આજે વહેલી સવારથી જ ધુમ્મસ છવાઈ ગયું હતું.ધુમ્મસભર્યા આ વાતાવરણમાં ૫ ફુટ દુર જોવુ પણ મુશ્કેલ બન્યું હતું. વિઝીબીલીટી પણ ઘટી જતાં વાહન ચાલકો પોતાના વાહન ધીમી ગતિએ અને હેડ લાઈટો ચાલુ રાખી ચલાવતા જોવા મળ્યા હતા. ચોમાસા જેવા વરસાદી વાતાવરણ બાદ આજે એકાએક ધુમ્મસ છવાઈ ગયું હતું.
