પાકિસ્તાન ઈલેક્ટ્રોનિક મીડિયા રેગ્યુલેટરી ઓથોરિટી (PEMRA) એ તમામ ટીવી ચેનલો પર પીટીઆઈના વડા ઈમરાન ખાનના ભાષણો અને પ્રેસ કોન્ફરન્સના પ્રસારણ અને પુનઃપ્રસારણ પર પ્રતિબંધ મૂક્યો છે. પાકિસ્તાનના જિયો ન્યૂઝના અહેવાલ મુજબ, ઈમરાન ખાનનું કોઈ લાઈવ, રેકોર્ડિંગ પ્રસારિત કરવામાં આવશે નહીં.
આ પહેલા લાહોર હાઈકોર્ટમાં અરજી દાખલ કરવામાં આવી છે. તેમાં માંગ કરવામાં આવી છે કે ઈમરાન ખાનને પીટીઆઈના અધ્યક્ષ પદ પરથી હટાવવા જોઈએ. લાહોર હાઈકોર્ટ આ અરજી પર સુનાવણી કરવા તૈયાર થઈ ગઈ છે.
તે જ સમયે, અમે તમને જણાવી દઈએ કે ઈમરાન ખાન સરકારી ગિફ્ટ વેચવાના દોષી સાબિત થયા હતા. જે બાદ કોર્ટે તેમને સંસદના સભ્યપદેથી કાઢી મુક્યા હતા અને ચૂંટણી લડવા પર પણ પ્રતિબંધ લગાવી દીધો હતો.