ગુજરાતમાં મધ્યગુજરાત અને ઉત્તર ગુજરાતમાં બીજા તબક્કા 93 બેઠકો પર સવારે 8 વાગ્યાથી મતદાન પ્રક્રિયા શરૂ થઇ હતી. રાજ્યના 14 જિલ્લાના 26 હજાર 409 મથકો પર બીજા તબક્કાની મતદાન પ્રક્રિયા હાથ ધરાઇ હતી. બીજા તબક્કાની 93 બેઠક પર કુલ 833 ઉમેદવારો મેદાને હતા. આ હાઇ પ્રોફાઇલ તબક્કામાં 8 મંત્રી અને 60 સીટિંગ MLA છે. જો કે બીજા તબક્કાનું મતદાન પણ નિરાશાજનક જોવા મળ્યું છે. રાજ્યમાં બીજા તબક્કામાં સરેરાશ 62 ટકા જ મતદાન નોંધાયું છે જોકે આંકડામાં થોડોઘણો ફેરફાર થાય તેવી પણ શક્યતાઓ છે.
ગુજરાતમાં સરારાશ 62 ટકા મતદાન નોંધાયું હતું. 5 વાગ્યા સુધીમાં સરેરાશ 62 ટકા મતદાનમાં અમદાવાદમાં 53.57, આણંદમાં 59.04, અરવલ્લીમાં 60.18, બનાસકાંઠા 65.65, છોટા ઉદેપુરમાં 62.04, દાહોદમાં 55.80, ગાંધીનગરમાં 59.14, ખેડા 62.65, મહેસાણા 61.01, મહીસાગર 54.24, પંચમહાલ 63.03, પાટણ 57.28, સાબરકાંઠા 65.84 અને વડોદરામાં 58 ટકા મતદાન નોંધાયું હતું.
ગુજરાતના પ્રથમ તબક્કામાં 63 ટકા નોંધાયું હતું મતદાન
ગુજરાતમાં પ્રથમ તબક્કામાં યોજાયેલી મતદાન પ્રક્રિયામાં 63 ટકા મતદાન થતાં ચૂંટણી વિભાગ દ્વારા વિશેષ આયોજન કર્યા હતા અને મતદાન 70 ટકા કરતા વધારે થાય તેવા પ્રયાસો કરાયા હતા જોકે બીજા તબક્કામાં પણ મતદાનના આંકડા નિરાશાજનક સામે આવ્યા છે.