અરવલ્લી જીલ્લા પોલીસવડા સંજય ખરાતના માર્ગદર્શન હેઠળ મોડાસા ટાઉન પોલીસે શહેરમાં બાઈક ચોરીના ગુન્હા આચરતી ગેંગને ઝડપી પાડવા દોડાદોડી કરી રહી છે આણંદ જીલ્લાના બાપોદ પોલીસે બાઈક ચોરીના ગુન્હામાં બિલ્લા ગેંગના મુખિયા અને સાગરીતને દબોચી લેતા બિલ્લા ગેંગ મોડાસા શહેરમાં બે બાઈક ચોરીના ગુન્હાને અંજામ આપ્યાનું બહાર આવતા ટાઉન પોલીસે બિલ્લા ગેંગના બંને આરોપીને ટ્રાન્સફર વોરંટના આધારે ઝડપી પાડી વધુ એક બાઈક ચોરીના ગુન્હાનો ભેદ ઉકેલી 80 હજારની ત્રણ બાઈક રીકવર કરી કાયદેસરની કાર્યવાહી હાથધરી હતી
મોડાસા ટાઉન પીઆઇ ડી.કે.વાઘેલા અને તેમની ટીમે શહેરમાં બાઈક ચોરીના ગુન્હાનો ભેદ ઉકેલવા નેત્રમ સહીત બાતમીદારો સક્રિય કરવા છતાં બાઈક ચોર ગેંગ પકડથી દૂર હતી શહેરમાં બાઈક ચોરી કરતી બિલ્લા ગેંગનો મુખિયા કઉં-કુકરીનો હુસેન ઉર્ફ બિલ્લો યાસીન ભટ્ટી અને રાજ્સ્થાનના માલકોલડાના શાંતિલાલ ઉર્ફે સોનુ લક્ષ્મણ પારઘીને બાપોદ પોલીસે દબોચી લેતા ટાઉન પોલીસે ટ્રાન્સફર વોરંટના આધારે ધરપકડ કરી શહેરના જુદા-જુદા વિસ્તારમાંથી ચોરી કરેલ ત્રણ બાઈક મળી રૂ.80 હજારના મુદ્દમાલની ત્રણ બાઈક રિકવર કરી ત્રણ બાઈકચોરીના ગુન્હાનો ભેદ ઉકેલી બંને આરોપીને જેલના સળિયા પાછળ ધકેલી દીધા હતા
