મોડાસા શહેરની એન્જીનિયરિંગ કોલેજમાં અભ્યાસ કરતા કરતા યુવકને ડીપ વિસ્તારમાં બે ગઠીયા ભટકાઈ ગયા હતા યુવકને વાતચીતમાં પરોવી વિશ્વાસ કેળવી 50 હજાર રૂપિયાનું બંડલ બતાવી તેને પહેરીલી સોનાની ચેઇન ચેઇન કાઢી લીધી હતી યુવકે 50 હજારનું બંડલ ખોલતા ઉપર નીચે અસલી પાંચસોની નોટ અને વચ્ચે કાગળ જોઈ ચોંકી ઉઠ્યો હતો બે ઠગની વાતોની લાલચમાં આવી 43 હજારની સોનાની ચેઇન ગુમાવતા ટાઉન પોલીસ સ્ટેશનમાં ફરિયાદ નોંધાવતા પોલીસે ગણતરીના કલાકોમાં સલાટ ગેંગના સાગરીતને દબોચી લઇ ચેઇન રીકવર કરી હતી
મોડાસા ટાઉન પીઆઈ ડી.કે.વાઘેલા અને તેમની ટીમે મોડાસા ઇજનેરી કોલેજમાં અભ્યાસ કરતા અને ગુરુકુલ સોસાયટીમાં રહેતા ઉચીત ધનેશ્વર લાલ યાદવને ડીપ વિસ્તારમાં બે ગઠીયા ઉદેપુર જવાનો રસ્તો બતાવવાનું કહી 50 હજારનું બંડલ બતાવી સોનાની ચેઇન પડાવી રફુચક્કર થઇ જતા બંને ઠગને ઝડપી પાડવા સીસીટીવી કેમેરા રેકોર્ડિંગ અને બાતમીદારો સક્રિય કરતા સલાટ ગેંગનું કારસ્તાન હોવાની બાતમી મળતા ટાઉન પોલીસ સર્વોદય નગર (ડુંગરી) વિસ્તારમાં તપાસ હાથધરી ગુન્હામાં સંડોવાયેલ અજય ઉર્ફે જગ્ગુ ગણેશ પંચાલ (સલાટ)ને દબોચી લઇ ઇજનેરી કોલેજીયનની 43 હજારની સોનાની ચેઇન રિકવર કરી જેલના સળિયા પાછળ ધકેલી દઈ આ ગુન્હામાં સંડોવાયેલ અન્ય આરોપીને ઝડપી પાડવા ચક્રો ગતિમાન કર્યા હતા મોડાસા ટાઉન પોલીસે ગણતરીના કલાકોમાં ગુન્હાનો ભેદ ઉકેલી નાખ્યો હતો
