ઉત્તરાયણ પર્વ બાદ પક્ષીઓ માટે કપરો કાળ શરૂ થતો હોય છે ઉત્તરાયણ પર્વ પછી પાકા દોરા વૃક્ષ અને ઝાડ પર ભરાઈ રહેતા હોવાથી અનેક પક્ષીઓ લોહી લુહાણ હાલત ઈજાગ્રસ્ત બનવાની સાથે મોતને ભેટતા હોય છે મોડાસા શહેરની અલંકાર સોસાયટી નજીક પીપળાના વૃક્ષ પર પક્ષી ફસાતા મોડાસા નગરપાલિકાની ફાયર બ્રિગેડની ટીમે રેસ્ક્યુ કરીને પક્ષીને બચાવી લીધું હતું
મોડાસા શહેરના શામળાજી રોડ પર આવેલી અલંકાર સોસાયટી નજીક તોતિંગ પીપળાના વૃક્ષ પર લપેટાયેલ પતંગની દોરીમાં પક્ષી ફસાઈ જતા અન્ય પક્ષીઓએ કોલહોલ મચાવતા જીવદયા પ્રેમી યુવકે ફાયર બ્રિગેડને જાણ કરતા તાબડતોડ ઘટનાસ્થળે પહોંચી ફાયર બ્રિગેડની ટીમે ઝાડ પર ચઢી ભારે જહેમત બાદ વૃક્ષ પર ફસાયેલ પક્ષીને બચાવી લીધું હતું પક્ષી દોરા માંથી મુક્ત થતા આકાશમાં ઉડી ગયું હતું લોકોના ટોળેટોળા ઉમટ્યા હતા અને ફાયર બ્રિગેડ ટીમની સરાહના કરી હતી