ભિલોડા પોલીસ સ્ટેશન વિસ્તારમાં ઘરફોડ ચોરી અને બાઈક ચોરીની ઘટનાઓમાં વધારો થતા પોલીસે નાઈટ પેટ્રોલિંગ સઘન બનાવતા સફળતા મળી હતી ભિલોડા પોલીસે ભેટાલી થી વસઈ ગામ તરફ બાઈક પર કોથળો મૂકી શંકાસ્પદ ઝડપ સાથે પસાર થતા બે શખ્સો ને અટકાવવાનો પ્રયાસ કરતા બંને શખ્સો બાઈક હંકારી રોડ પર મૂકી ઝાડી-ઝાંખરામાં દોટ લગાવતા પોલીસે એક આરોપીને દબોચી લઇ ચોરીની બાઈક અને બે બાઈક બેટરી મુદ્દામાલ જપ્ત કરી ફરાર ચોરને ઝડપી પાડવા ચક્રો ગતિમાન કર્યા હતા
ભિલોડા પીઆઈ એચ.પી.ગરાસીયાના માર્ગદર્શન હેઠળ પોલીસે ચોરીની ઘટનાઓ અટકાવવા પેટ્રોલીંગ હાથધરતા ભેટાલી થી વસઈ ગામ તરફ બાઈક લઇ આવતા બે શંકાસ્પદ શખ્સને અટકાવતા બંને ચોરી બાઈક મૂકી ઝાડી-ઝાંખરામાં નાસી છૂટતા પોલીસે બાઈક પાછળ કોથાળામાં ચોરીની બેટરી સાથે બેઠેલા વિક્રમ સોમાજી સડાત (રહે,જેરવધરી(ભાંખરા), વિજયનગર, સાબરકાંઠા) ને દબોચી લઇ ચોરી કરેલ મોટર સાયકલ અને બે બેટરી મળી રૂ.39000/- નો મુદ્દામાલ જપ્ત કરી ફરાર બાઈક ચાલક ચોરને ઝડપી પાડવા ચક્રો ગતિમાન કર્યા છે