અરવલ્લી જીલ્લા પોલીસવડા શૈફાલી બારવાલના આગમન પછી શામળાજી પોલીસ સતત વિદેશી દારૂ ભરેલ વાહનોને ઝડપી પાડી બુટલેગરો પર તવાઈ બોલાવી છે શામળાજી પોલીસે વિદેશી દારૂ ભરેલી કારને ફિલ્મી સ્ટાઇલથી બે સરકારી વાહનોથી રોડ પર બ્લોક કરી ઝડપી લીધી હતી બુટલેગર વિદેશી દારૂ ભરેલી ટવેરા ગાડી રોડ પર મૂકી જંગલમાં ફરાર થઇ ગયો હતો
શામળાજી પોલીસે રતનપુર ચેકપોસ્ટ પર બેરિકેડ ગોઠવી રાજસ્થાન તરફથી આવતા વાહનોનું ચેકીંગ હાથધરતાં વિદેશી દારૂ ભરેલી ટવેરા ગાડીના ચાલકે બેરિકેડ ગોઠવેલ સર્વિસ રોડના બદલે હાઇવે પરથી હંકારી મુકતા પોલીસને શંકા જતા પીછો કરતા ટવેરા ગાડીના ચાલકે હાઇવે પર અને અંતરિયાળ વિસ્તારોમાં ગાડી દોડાવી પોલીસને હંફાવી હતી જો કે પોલીસે પીસીઆર ગાડી અને અન્ય પોલીસજીપ વડે પીછો ચાલુ રાખતા ધંધાસણ ગામ નજીક કાચા રસ્તા પર પોલીસજીપ પાછળ થી પીછો કરતી હોવાથી અને સામે પીસીઆર વાન આવી જતા દારૂ ભરેલી ગાડી બ્લોક થતા બુટલેગર રોડ પર ગાડી મૂકી જંગલમાં ફરાર થઇ જતા પોલીસે બિનવારસી ટવેરા ગાડીમાંથી 1.36 લાખથી વધુના વિદેશી દારૂ સાથે 6.36 લાખનો મુદ્દામાલ જપ્ત કરી ફરાર બુટલેગર સામે ગુન્હો નોંધી ઝડપી પાડવા ચક્રો ગતિમાન કર્યા હતા