ચિલ્ડ્રન્સ હોમ ફોર ગર્લ્સના જબાબદાર કર્મીઓની બે સગીરા ગુમની ઘટના છુપાવવા ધમપાછડા
કપડાં સૂકવવા ગયેલ બંને સગીરા એક સાથે ફરાર થતાં દોડધામ
મોડાસા ટાઉન પોલીસ સ્ટેશનમાં સગીરાનું અજાણ્યા ઇસમ અપહરણ કર્યું હોવાની ફરિયાદ નોંધાઈ
ગુજરાતમાં નારી સંરક્ષણ ગૃહ અને બાળ ગૃહમાંથી છોકરીઓ નાસી ગઈ હોવાના કિસ્સા સમયાંતરે બનતા રહે છે અરવલ્લી જીલ્લાના મુખ્ય મથક મોડાસા શહેરમાં આવેલ ચિલ્ડ્રન્સ હોમ ફોર ગર્લ્સમાં રહેતી બે સગીરા કપડા સૂકવવાના બહાને બાજુના ધાબા પર રહેલ બખોલ માંથી બે સગીરા ફરાર થઈ જતા ચિલ્ડ્રન્સ હોમ ફોર ગર્લ્સના કર્મચારીઓમાં ભારે દોડધામ મચી હતી મોડાસા ટાઉન પોલીસે અજાણ્યા ઇસમ સામે અપહરણનો ગુન્હો નોંધી તપાસનો ધમધમાટ શરૂ કર્યો છે
પ્રાપ્ત માહિતી અનુસાર,મોડાસા શહેરની માણેકબાગ સોસાયટી નજીક આવેલ ચિલ્ડ્રન્સ હોમ ફોર ગર્લ્સમાં પોક્સો એક્ટ અંતર્ગત ભોગ બનેલ સાબરકાંઠા જીલ્લાની બે સગીરા છેલ્લા કેટલાક સમયથી રહેતી હતી બંને સગીરાઓ કપડા સૂકવવા ગયા બાદ ચિલ્ડ્રન્સ હોમ ફોર ગર્લ્સના ધાબા પર કે પછી કપડાં સૂકવવા ગયા બાદ નાની બખોલ માંથી બંને સગીરા ગુમ થઈ જતા ભારે ચકચાર મચી હતી ચિલ્ડ્રન્સ હોમ ફોર ગર્લ્સમાં ફરજ બજાવતા કર્મીઓએ બંને સગીરાની આજુબાજુમાં શોધખોળ હાથધર્યા બાદ કોઇ અત્તોપત્તો ન લાગતા ચોંકી ઊઠ્યા હતા
મોડાસા ચિલ્ડ્રન્સ હોમ ફોર ગર્લ્સના કર્મી પીનલબેન પટેલે મોડાસા ટાઉન પોલીસ સ્ટેશનમાં બે સગીરાનું અજાણ્યા શખ્સે અપહરણ કર્યું હોવાનો ગુન્હો નોંધવતા ટાઉન પોલીસે તપાસનો ધમધમાટ શરૂ કર્યો છે