મોડાસા ટાઉન PI ડી.કે.વાઘેલા અને પોલીસકર્મીઓની સતર્ક નજરથી તબીબની હત્યાની ઘટના અટકતા DG વિકાસ સહાય,રેન્જ આઈજી વિરેન્દ્રસિંહ યાદવ,SP શૈફાલી બારવાલ અને ASP કેશવાલાએ અભિનંદન આપ્યા હતા
મોડાસા શહેરના આઇકોનિક બસપોર્ટ નજીક આશા હોસ્પિટલના જાણીતા તબીબ ર્ડો.અશોક ઈસરાનીની તેના મધ્યપ્રદેશ રહેતા સાઢુએ સામાજીક અણબનાવમાં કોન્ટ્રાક કિલીંગની સોપારી મંદસોરના સ્થાનીક ગુંડાને અપાતા તેને બે અલગ અલગ યુવકો પાસે તબીબ પાસે ચેકઅપ કરાવવાના બહાના હેઠળ રેકી કરાવ્યા બાદ ગુરુવારે રાત્રે મધ્યપ્રદેશ અને મહારાષ્ટ્રના બે હત્યારાઓને મોડાસા મોકલ્યા હતા નંબર પ્લેટ વગરની બાઇક પર ડોક્ટર હાઉસ નજીક આંટાફેરા મારતા બંને કિલરને પોલીસે દબોચી લીધા હતા જેમાં સમગ્ર ઘટનાનો પર્દાફાશ થતાં પોલીસે ર્ડો.અશોક ઈસરાનીની ફરિયાદના આધારે બંને હત્યારાને ઝડપી પાડી જેલના સળિયા પાછળ ધકેલી દઈ તપાસનો ધમધમાટ શરૂ કર્યો છે
મોડાસા ટાઉન પોલીસ સ્ટેશનના ઇન્ચાર્જ પીઆઇ ડી.કે.વાઘેલા અને તેમની ટીમે મોડાસાના જાણીતા તબીબ ર્ડો.અશોક ઈસરાનીની હત્યાની સોપારી આપનાર સાઢુ કમલ ચાંદનકુમાર હોતિાણી અને કોન્ટ્રાક કિલર ની સોપારી લેનાર રોહિત ગણપતલાલ રોહિતને ઝડપી પાડવા તપાસનો ધમધમાટ શરૂ કરી ટાઉન પીએસઆઇ સ્વામી અને તેમની ટીમને મધ્યપ્રદેશ મોકલી આપી હતી બન્ને હત્યારાની પોલીસે સઘન પૂછપરછ હાથધરી છે
શું છે સમગ્ર ઘટનાક્રમ અને પોલીસની સરાહનીય કામગીરી વાંચો…!!
અરવલ્લી જીલ્લાના મોડાસા શહેરમાં બસ સ્ટેન્ડ નજીક આશા હોસ્પિટલના જાણીતા તબીબ ર્ડો.અશોક ઈસરાનીની હત્યા કરવા મધ્યપ્રદેશથી બાઈક પર આવેલા બે કોન્ટ્રાક કિલર હત્યાની ઘટનાને અંજામ આપે તે પહેલા મોડાસા ટાઉન પોલીસની ચબરાક નજરથી ઝડપાઈ જતા મોટી દુર્ઘટના ટળી હતી નંબર પ્લેટ વગરની બાઇક પર બંને કોન્ટ્રાક કિલર તબીબની હોસ્પિટલ નજીક આંટાફેરા મારતા પોલીસ જવાનોએ ઝડપી લઇ આગવી ઢબે પૂછપરછ કરતા સમગ્રે ઘટનાનો પર્દાફાશ થયો હતો ર્ડો.અશોક ઈસરાનીના મધ્યપ્રદેશમાં રહેતા સાઢુએ પારિવારિક ઝગડામાં હત્યાની સોપારી આપી હોવાનું બહાર આવતા સમગ્ર મોડાસા શહેર સહિત તબીબ આલમમાં સન્નાટો વાપ્યો હતો પોલીસની સતર્કતાથી તબીબનો જીવ બચતા તબીબ સહિત તેમના પરિવારે હાશકારો અનુભવ્યો હતો