બોલિવુડ એક્ટ્રેસ દિશા પાટની એક એવી એક્ટ્રેસ છે, જેના ફેન ફોલોઇંગ સમયની સાથે ખૂબ જ વધી રહ્યા છે. એક્ટ્રેસે જ્યારથી ફિલ્મી દુનિયામાં પગ મૂક્યો છે, ત્યારથી તેનું નામ હંમેશાં ટાઇગર શ્રોફની સાથે જોડાતું રહ્યું છે. બંને પોતાના સંબંધને તો નથી સ્વીકારતા પરંતુ, થોડાં-થોડાં દિવસે બંને સમય સમય પર સાથે જરૂર જોવા મળે છે, પરંતુ આ વખતે દિશા કોઈ બીજાની સાથે જ જોવા મળી અને કેમેરાને જોતાની સાથે જ તે પોતાનો ચહેરો છુપાવવા લાગી.
દિશા પાટનીની સુંદરતાના દિવાના ઘણા છે, પરંતુ આ દિવાનાઓને એ વાતનો અંદાજો પણ નહીં હોય કે દિશા અને ટાઈગરની વચ્ચે કંઈક ને કંઈક તો જરૂર છે. પરંતુ હાલમાં જ તે એક અજાણ્યા વ્યક્તિની સાથે જોવામાં આવી. આ વીડિયોમાં તમે જોઈ શકો છો કે, એક્ટ્રેસ પોતાના એક મિત્રની સાથે ઇવનિંગ વૉક પર નીકળી હતી. કેમેરાએ જેવો તેની તરફ ફોકસ કર્યો કે તરત તે પોતાનો ચહેરો કેપથી છુપાવવા લાગી.