મોડાસામાં અર્બુદા શરાફી સહકારી મંડળીની ૨૨મી વાર્ષિક સાધારણ સભા મંડળીના ચેરમેન હરેશભાઇ એન.પટેલની અધ્યક્ષતામાં યોજાઈ
હતી જેમાં એજન્ડા મુજબનું કામકાજ ઉપસ્થિત સભાસદોની હાજરીમાં કરવામાં આવ્યું હતું.ડિરેકટર મુળજીભાઈ પટેલે એજન્ડા વંચાણે લીધા હતા જ્યારે સભા સંચાલન ચીમનભાઈ પટેલે કર્યું હતું.અંતમાં પ્રમુખપદેથી બોલતા ચેરમેન હરેશભાઇએ આગામી દિવસોમાં મંડળી દ્વારા હાથ ધરવા ધારેલ કેટલાક કામોની જાણકારી આપી હતી અને થયેલ કામોનો પણ સવિસ્તાર ઉલ્લેખ કર્યો હતો.ઉલ્લેખનીય છે કે આ વર્ષે મંડળીએ રૂ.19.32 લાખનો કાચો નફો અને રૂ.14.90 લાખનો ચોખ્ખો નફો કરતા ચેરમેને સૌ ડિરેક્ટરો, સભાસદો અને સારી વસુલાત માટે મેનેજર સહિત કર્મચારીઓને પણ બિરદાવ્યા હતા.અંતમાં આભારવિધિ મંડળીના ડિરેકટર,જિલ્લા સંઘના અધ્યક્ષ પી.પી. પટેલે કરી હતી.