ભારતીય ટીમનો સ્ટાર ખેલાડી અને શાનદાર વિકેટકીપર ઋષભ પંત શુક્રવારે સવારે એક મોટા માર્ગ અકસ્માતનો ભોગ બન્યો હતો. દિલ્હીથી ઘરે પરત ફરતી વખતે પંતની કાર રેલિંગ સાથે અથડાઈ અને તેના ટુકડા થઈ ગયા. આ દુર્ઘટના રૂરકીના નરસન બોર્ડર પર હમ્મદપુર ઝાલ પાસે થઈ હતી. આ અકસ્માતમાં ઋષભ પંત પણ ખરાબ રીતે ઘાયલ થયો છે અને તેને તાત્કાલિક દિલ્હી રિફર કરવામાં આવ્યો છે.
આ ભયાનક અકસ્માત બાદ પંતને તાત્કાલિક હોસ્પિટલમાં દાખલ કરવામાં આવ્યા હતા. જ્યાં તેની સારવાર ચાલુ છે. તે જ સમયે, ડૉક્ટરોના જણાવ્યા અનુસાર, પંતને કપાળ અને પગમાં ઈજા થઈ છે. પગમાં વધુ પડતી ઈજાને કારણે પ્લાસ્ટિક સર્જરી પણ કરવી પડી શકે છે. આ અકસ્માત બાદ પંત લાંબા સમય સુધી ક્રિકેટથી દૂર રહી શકે છે.
