ડ્રિપ ઇરીગેશન પાઇપ ચોરી કરી બંને સગીર યુવકો રણાસણના શંકર નામના ભંગારીયાને આપવાના હોવાનું વીડિયોમાં સ્વીકારી રહ્યા છે
અરવલ્લી જીલ્લાના અનેક વિસ્તારોમાં પીવાની અને ખેતીના પાણીની તંગી છાસવારે સર્જાતી હોય છે આ કપરા સમયમાં ખેડૂતો પાણીના ઓછા વપરાશથી સારી ઉપજ મળી રહે અને પાણીના અભાવે ખેતીમા નુકશાન સહન ન કરવું પડે તે માટે ખર્ચાળ ડ્રિપ ઇરીગેશન પધ્ધતિ થી ખેતી કરી રહ્યા છે અરવલ્લી જીલ્લામાં ડ્રિપ ઇરીગેશનની પાઇપ ચોરી થવાની ઘટનાઓ સમયાંતરે બનતી રહે છે મોડાસા તાલુકાના મહાદેવપુરા કંપાના ખેતરમાં લોડીંગ રીક્ષા લઇ ચોરી કરવા પહોચલા બંને સગીરોને ખેડૂતોએ ઝડપી પાડી રૂરલ પોલીસને સોંપી દીધી હતા
મોડાસા તાલુકાના મહાદેવપુરા કંપામાં અનેક ખેડૂતો ડ્રિપ ઇરીગેશનની મદદથી ખેતી કરી રહ્યા છે ગત રાત્રીએ લોડિંગ રિક્ષામાં ડ્રિપ ઇરીગેશન પાઇપની ચોરી કરતા બે લબરમૂછિયા યુવકનો ખેડૂતોએ દબોચી લેતા મોટી સંખ્યામાં ખેડૂતો દોડી આવ્યા હતા ખેડૂતો ડ્રિપ ઇરીગેશન પાઇપની ચોરી કરનાર બંને લબરમૂછિયા યુવકોની હિંમત જોઈ ચોકી ઉઠ્યા હતા અને ડ્રિપ ઇરીગેશનની ચોરી કરવા આવેલ યુવકોનો વિડીયો પણ બનાવી લીધો હતો જેમાં બને ભિલોડા તાલુકાના માંકડી ગામના અને હાલ બાયલ ઢાંખરોલ રહેતા હોવાના તેમજ ચોરી કરેલ પાઇપના બંડલ રણાસણ ગામના શંકર નામના ભંગારીયાને આપવાનું સ્વીકારતા જોવા મળ્યા હતા ખેડૂતોએ બંને ચોર યુવકોને રૂરલ પોલીસને સોંપી દીધા હતા
મોડાસા રૂરલ પોલીસે બંને સગીર યુવકો સામે ગુન્હો નોંધી કાયદેસરની કાર્યવાહી હાથધરી હતી
