અરવલ્લી જીલ્લાના મુખ્યમથક મોડાસા શહેરમાં ચોરીના મોબાઇલનું ધૂમ વેચાણ થઈ રહ્યું છે ચોરી કરેલા મોબાઇલને સોફ્ટવેરની મદદથી અનલોક કરવાનું અને આઈએમઈઆઈ નંબર બદલવાનું કૌભાંડ મોડાસા શહેરમાં કેટલાક નામચીન વેપારીઓ ચલાવી રહ્યા છે મોડાસા ટાઉન પોલીસે ભેરુંડા રોડ પર બાઈકના કવરમાં રાખેલો 58 હજારનો સ્માર્ટ ફોન ચોરી કરનાર ચાંદ ટેકરીના સિકંદર મુલતાની અને મોબાઈલનું લોક તોડવા માટે પ્રયત્ન કરનાર લકી મોબાઈલના સરફરાજ સુથારને દબોચી લઈ જેલના સળિયા પાછળ ધકેલી દીધા હતા
મોડાસા ટાઉન પોલીસ સ્ટેશનમાં ભરુંડા રોડ પર અમૂલ પાર્લર પાસે બાઈકના કવરમાં રાખેલો 58 હજારનો મોબાઈલ ચોરી થઈ હોવાની ફરિયાદ નોંધાતા પીઆઈ રોહિત ચૌધરી અને તેમની ટીમે મોબાઇલ ચોરને ઝડપી પાડવા મોબાઈલનો આઈએમઈઆઈ નંબર સંચાર સાથી એપ્લિકેશનમાં નાખતા ચોરીના મોબાઈલમાં નવું સિમકાર્ડ એક્ટિવ થયું હોવાની જાણ થતા સિમકાર્ડના આધારે મોબાઈલ ચોરી કરનાર સિકંદર અબ્દુલ મુલતાની (રહે,ચાંદટેકરી)ને ઝડપી લીધો હતો તેની પાસેથી ચોરીનો મોબાઈલ જપ્ત કરતા મોબાઈલમાં રહેલ ડેટા ડિલીટ કરી દીધો હોવાથી આ અંગે પુછતાછ કરતા ચોરીના મોબાઈલ લક્ષ્મી શોપિંગ સેન્ટરમાં આવેલી લકી મોબાઈલ નામની દુકાનના માલિક સરફરાજ ઇકબાલ સુથાર (રહે,હુસેની સોસાયટી) પાસે લોક તોડવાના આપતા તેને ડેટા ફોર્મેટ કર્યો હોવાનું જણાવતા પોલીસે સરફરાજ સુથારને દબોચી લઈ બંને આરોપીઓ સામે ગુન્હો નોંધી કાયદેસરની કાર્યવાહી હાથધરી હતી
