મોડાસા શહેરમાં અસામાજીક તત્ત્વો સામે પોલીસે લાલ આંખ કરી છે બસ સ્ટેન્ડ પાછળના વિસ્તારમાં હિંમતનગરના ત્રણ શખ્સો તલવારો સાથે કોઈ ગુન્હાને અંજામ આપવા કે વેચાણ અર્થે ફરતા ટાઉન પોલીસ ઇન્સ્પેકટર વાઘેલાને નજરે ચઢતા ત્રણે શખ્સોને દબોચી લઇ કાયદેસરની કાર્યવાહી હાથધરી હતી તલવારો સાથે ઝડપાયેલ ત્રણે આરોપી સામે ખુદ પીઆઈ વાઘેલા ફરિયાદી બન્યા છે
મોડાસા ટાઉન પીઆઇ ડી.કે.વાઘેલા અને તેમની ટીમ શનિવારે બપોરે શહેરમાં પેટ્રોલિંગ હાથધરતા બસ સ્ટેન્ડ પાછળ વિસ્તારમાં ત્રણ શખ્સો તલાવરો સાથે જોવા મળતા ચોંકી ઉઠ્યા હતા ત્રણે શખ્સોને અટકાવી તલાસી લેતા તેમની પાસેથી ગેરકાયદેસર 20 તલવારનો મળી આવતા પોલીસે હિંમતનગરની ગિરધર નગર સોસાયટીમાં રહેતા 1)પરમવીર શક્તિસીંગ લવાર,2)ધનરાજ દાસસ્તાન લવાર અને 3) કિશન જોગીન્દર ગાદલીયા નામના ત્રણે આરોપીઓ સામે અલગ અલગ જીપી એક્ટ હેઠળ ગુન્હો નોંધી જેલના સળિયા પાછળ ધકેલી દીધા હતા