આઝાદી કા અમૃત મહોત્સવ ની ઉજવણીના પગલે સરકારે વર્ષોથી ટેક્ષ બાકી ધારકો માટે વ્યાજ અને નોટીસ માફી આપવા છતાં ટેક્ષ નહી ભરનાર રીઢા બાકીદારોની મિલક્તો મોડાસા નગરપાલિકા તંત્ર દ્વારા સીલિંગ કરવાની કાર્યવાહી હાથધરી છે મોડાસા નગરપાલિકાએ રીઢા બાકીદારોની શાન ઠેકાણે લાવવા 10 હજારથી વધુનો વેરો બાકી હશે તેમની મિલકત અને માલિકના નામ સાથેના બેનર જાહેર સ્થળો પર લગાવવાનો એક્શન પ્લાન નગરપાલિકા તંત્ર દ્વારા અમલમાં મુકવા તજવીજ હાથધરી હોવાની માહિતી પ્રાપ્ત થઇ છે
મોડાસા નગરપાલીકાએ છેલ્લા 5 વર્ષ કે તેથી વધુ સમયથી 10 હજાર રૂપિયાથી વધુ વેરો બાકીદારો સામે કડક કાર્યવાહી હાથધરી તેમની મિલકતો સીલ કરવા વેરા વસુલાત ટીમે શખ્ત કામગીરી આદરી છે ઇન્ચાર્જ ટેક્ષ સુપ્રીટેન્ડેટ અને તેમની ટીમે 10 હજારથી વધુ વેરા બાકીદારોની ચાર દુકાનો સીલ કરતા રીઢા બાકીદારોમાં ફફડાટ ફેલાયો છે
મોડાસા નગરપાલિકા દ્વારા શહેરમાં મિલકત ધારકોનો અંદાજે 3 કરોડ રૂપિયાનો બાકી વેરો ઉઘરાવવા વેરા વસુલાત ટીમ સતત દોડી રહી છે ઇન્ચાર્જ ટેક્ષ સુપ્રીટેન્ડેટ અને તેમની ટીમે મોડાસા શહેરના ફોર્ચ્યુન કોમ્પ્લેક્ષમાં ત્રણ દુકાનો અને ફૈઝાન કોમ્પ્લેક્ષમાં આવેલી એક દુકાનને સીલ કરી નોટીસ ચિપકાવી દીધી છે તંત્રની કડક કાર્યવાહીના પગલે બાકીદારોમાં ફફડાટ ફેલાયો છે ટેક્ષ ભરવા રીઢા બાકીદારો દોડધામ મચી છે જો કે હજુ નગરપાલિકા તંત્ર દ્વારા મિલકત સીલિંગ કરવાની કાર્યવાહી છતાં કેટલાક રીઢા બાકીદારોનું પેટનું પાણી પણ હાલતું નથી
