કડોલી ગામની સીમમાંથી પર પ્રાંતિય યુવકની કોહવાયેલી હાલતમાં લાશ મળી આવી,SP સહિત મોટી સંખ્યામાં પોલીસ કાફલો ઘટના સ્થળે દોડી આવ્યો
મૃતક ઇલોલ ગામમાં પેરિસ હેર સલૂન નામની દુકાન ચલાવતો હતો
હત્યા કરાયી હોવાની આશંકા પોલીસે ત્રણ શંકાસ્પદ લોકોને પૂછપરછ હાથ ધરી
હિંમતનગરના કડોલી ગામના છેવાડા ખાતે આવેલ કોતરોના ખરાબા વિસ્તારમાથી કોહવાઈ ગયેલી હાલતમાં લાશ મળી હોવાની પોલીસને જાણ થતા સાબરકાંઠા એસપી વિશાલ વાઘેલા સહિત એલસીબી એસોજી ગ્રામ્ય પોલીસ સહિત મોટી સંખ્યામાં પોલીસ કાફલો ઘટના સ્થળે દોડી આવ્યો હતો અને થોડી જ વારમાં લાશને ઓળખ પણ થઈ ગઈ હતી.એક દિવસ અગાઉ યુવકના ગુમ થવાની ફરિયાદ શખ્સ સહિત ત્રણ લોકોની શકના આધારે પોલીસે પૂછપરછ હાથ ધરી છે.
કડોલીના વાંધા કોતર વિસ્તારમાંથી પ્લાસ્ટિકનો કોથળો ઢાંકેલી હાલતમાં ત્રણ કે વધુ દિવસથી પડી રહેલ લાશ મળી આવતા રૂરલ પોલીસને જાણ કરાતા સ્થાનિક પોલીસ લોકલ ક્રાઈમ બ્રાન્ચ તેમજ એસોજી સહિત સાબરકાંઠા એસપી પણ ઘટના સ્થળે દોડી આવ્યા હતા.
ત્યારે ગણતરીના કલાકોમાં જ પોલીસે મૃતકને ઓળખ કરતા ઈલોલમાં પેરિસ નામની સલુનની દુકાન ચલાવતા અકબર અબ્દુલ સલામ અહમદ (રહે સિધ્ધપુર બીજનોર,ઉત્તર પ્રદેશનો) હોવાનો જાણવા મળ્યું હતું.
સ્થાનિક અગ્રણી નિઝામ ભાઈના જણાવ્યા અનુસાર મૃતક અકબર છેલ્લા પાંચ છ વર્ષથી ઈલોલમાં પેરિસ સલૂન નામની દુકાન ચલાવતો હતો અને થોડા સમમાંજ અગાઉ તેનો અકસ્માત થયો હોવાને કારણે તે અન્ય ઈસમોને દુકાન ચલાવવા આપી પોતાને વતન ગયો હતો ગત શુક્રવાર રાત્રે તે પરત ફર્યો હતો.
પોલીસ સૂત્રો દ્વારા મળતી માહિતી અનુસાર બે દિવસ અગાઉ અકબરના ગુમ થયા હોવાની ફરિયાદ નોંધવામાં આવી હતી
સાબરકાંઠા LCB પીઆઈના જણાવ્યા અનુસાર લાશ ડીકમ્પોઝ સ્થિતિમાં મળી આવી છે. મૃતકના શરીર પર થયેલી ઇજાને મોતનું કારણ અંગે હાલ પોલીસ તપાસ કરી રહી છે
