લંડન: મધ્ય પૂર્વમાં ચાલી રહેલા તણાવને કારણે વૈશ્વિક ક્રૂડ ઓઇલ બજારમાં અનિશ્ચિતતા વધી છે. વિશ્લેષકોના જણાવ્યા મુજબ 2026 દરમિયાન તેલની સપ્લાયમાં નોંધપાત્ર ઘટાડો થઈ શકે છે, કારણ કે વિશ્વના સૌથી મહત્વપૂર્ણ તેલ માર્ગ એવા હોર્મુઝ જળમાર્ગ પર અસર પડી છે.
જો કે 2027 દરમિયાન ઉત્પાદન વધવાની અને સપ્લાય સામાન્ય થવાની સંભાવના વ્યક્ત કરવામાં આવી છે, પરંતુ હાલના ભૂરાજકીય તણાવને કારણે આંતરરાષ્ટ્રીય બજારો સાવચેત છે. બ્રેન્ટ ક્રૂડના ભાવમાં પણ તાજેતરમાં નોંધપાત્ર વધારો જોવા મળ્યો હતો.
ઊર્જા બજારના નિષ્ણાતોનું માનવું છે કે મધ્ય પૂર્વની પરિસ્થિતિમાં કોઈપણ નવો ફેરફાર વૈશ્વિક અર્થતંત્ર, પરિવહન ખર્ચ અને મોંઘવારી પર સીધી અસર કરી શકે છે.
