RFO પર ડામોર ઢૂંઢા ગામે અસામાજીક તત્ત્વોનો હુમલો કરી કારના કાચ તોડ્યા : રાત્રી ખાનગી કારમાં RFOના પેટ્રોલીંગ સામે અનેક તર્ક-વિતર્ક

મેઘરજના અંતરિયાળ વિસ્તારમાં ખાનગી કારમાં પેટ્રોલિંગ કરવાનું RFO એ કરેલ સાહસ સામે અનેક પ્રશ્નાર્થ ઉભા થયા છે

RFO પેટ્રોલિંગમાં નીકળ્યા ત્યારે અન્ય કર્મચારીઓને કેમ સાથે ના લઈ ગયા

RFO એ કહ્યું જૂની અદાવતમાં 10 લોકોના ટોળાએ હુમલો કર્યો

અરવલ્લી જીલ્લામાં વન વિભાગ તંત્રમાં ફરજ બજાવતા કેટલાક ભ્રષ્ટ અધિકારીઓ અને કર્મચારીઓના પગલે પર્યાવરણની ઘોર ખોદાઈ રહી છે જીલ્લાના મુખ્ય અને અંતરિયાળ માર્ગો પર ટ્રક અને ટ્રેકટરમાં મોટા પ્રમાણમાં જંગલી લાકડાઓની હેરાફેરી થતી હોવાનું જગજાહેર છે હપ્તા રાજમાં ખદબદતા વન વિભાગ તંત્ર વીરપ્પનો બેફામ બન્યા છે મેઘરજ આરએફઓ મેહુલ દોમડા ખાનગી કાર લઇ તેમના વિસ્તારમાં પેટ્રોલિંગ કરતા ડામોર ઢૂંઢા ગામે પહોંચતા 10 જેટલા લોકોએ હુમલો કરી કારના કાચ તોડી નાંખતા આરએફઓ ફફડી ઉઠ્યા હતા અને જીવ બચાવવામાં સફળ રહ્યા હતા મેઘરજ પોલીસ સ્ટેશનમાં ફરિયાદ નોંધાવવા તજવીજ હાથધરી હતી

મેઘરજ વનવિભાગમાં રેન્જ ફોરેસ્ટ ઓફિસર તરીકે ફરજ બજાવતા મેહુલ દામડા શુક્રવારે સાંજે તેમની રેન્જમાં ખાનગી કાર લઈને પેટ્રોલિંગ કરતા ડામોર ઢૂંઢા ગામે પહોંચતા 10 જેટલા અસામાજિક તત્ત્વોનું ટોળું ધસી આવી હુમલો કરી કારના કાચ તોડી નાખતા ફફડી ઉઠ્યા હતા જીવ બચાવી મેઘરજ પોલીસ સ્ટેશનમાં ફરિયાદ નોંધાવવા તજવીજ હાથધરી હતી