અસહ્ય ગરમીથી લૂ લાગવાના અને ગભારણ થવાના કેસમાં વધારો બપોરના સુમારે રોડ- રસ્તાઓ સુમસામ,અરવલ્લીમાં સૂર્યદેવતા આગ વરસાવી રહ્યાં હોવાથી આ કપરી ગરમીમાં નોકરી ધંધે આવતા જતા લોકો હેરાન પરેશાન થઈ ગયા છે શ્રમજીવીઓની હાલત કફોડી બની છે
અરવલ્લી જીલ્લામાં દેહ દઝાડતી ગરમીથી લોકો ત્રાહિમામ પોકારી ઉઠ્યા છે પશુ-પંખીઓની સ્થિતિ કફોડી બની છે વાદળોની આવન-જાવન વચ્ચે અસહ્ય બફારો અને ઉકળાટથી લોકો તોબા પોકારી ઉઠ્યા છે મોડાસા શહેર સહિત અરવલ્લી જીલ્લામાં બપોરના સુમારે તાપમાનનો પારો 44 ડિગ્રી વટાવી દેતા લોકો આકરી ગરમીમાં રીતસરના શેકાયા હતા રોડ રસ્તા સૂમસામ બન્યા હતા બપોરે સ્વયંભૂ કર્ફ્યૂ જેવો માહોલ મોડાસા શહેરમાં પ્રવર્તી રહ્યો હતો
ઉત્તર ગુજરાતમાં ગરમી અગાઉના વર્ષોના તમામ રેકોર્ડ તોડી રહી હોય તેમ સૂર્યદેવનું રૌદ્ર સ્વરૂપ જોઈ લોકો ત્રાહીમામ પોકારી ઉઠ્યા છે મોડાસા શહેરમાં કાળઝાળ ગરમીથી રાહત મેળવવા લોકો ઘર અને ઓફિસમાં પૂરાઈ રહેવાનું મુનાસિબ સમજી રહ્યા છે બપોરના સમયે તો મોડાસા શહેરમાં 45 ડિગ્રી સુધી ગરમીનો પારો પહોચ્યો હોવાથી રસ્તાઓ પર એકલ દોકલ વાહનો નજરે પડતા હતા. ટુવ્હીલર કે મોપેડ પર જનારાઓ આગ ઝરતી ગરમીથી બચવા માટેના વસ્ત્રો પહેરીને નિકળતા નજરે પડયા હતા.લોકો અસહ્ય ગરમીથી રાહત મેળવવા લીંબુ શરબત અને ઠંડા પીણા પીને ટાઢક મેળવી રહ્યા છે જીલ્લા આરોગ્ય વિભાગે હીટવેવથી બચવા માર્ગદર્શિકા બહાર પાડી છે
