દિવાળી પછી રવિવારનો દિવસ ગોજારો સાબિત થયો છે. મોરબીમાં હજી ત્રણ દિવસ પહેલા જ ખુલ્લો મુકવામાં આવેલો પુલ તુટી પડતા કેટલાય લોકો નદીમાં ખાબક્યા હતા, બ્રિની મુલાકાતે પહોંચેલા સહેલાણીઓ બ્રિજ તૂટી પડતા નદીમાં પડ્યા હતા, જેને લઇને રાહત અને બચાવ કામગીરી સ્થાનિક તંત્ર દ્વારા શરૂ કરવામાં આવી રહી છે. મોરબીમાં ત્રણ દિવસ પહેલા જ આ બ્રિજ લોકો માટે ખુલ્લો મુકવામાં આવ્યો હતો. પહેલા રવિવારે જ લોકો મોટી સંખ્યામાં આ પુલને જોવા માટે આવી પહોંચ્યા હતા.જો કે મોડી સાંજે આ બ્રિજ તુટી પડતા અનેક લોકો નદીમાં પટકાયા હતા. હાલ તો સ્થાનિક ફાયર તંત્ર અને સ્થાનિક તરવૈયાઓ દ્વારા રાહત અને બચાવકાર્ય ચલાવવામાં આવી રહ્યું છે.
પ્રાથમિક અહેવાલો અનુસાર બ્રિજ પર 300 થી વધારે લોકો હાજર હતા. આ દરમિયાન અચાનક પુલનો મુખ્ય દોરડું છુટી જવાના કારણે આખો બ્રિજ પાણીમાં બેસી ગયો હતો. જેથી બ્રિજ પર રહેલા અનેક લોકો નદીમાં ખાબક્યા હતા. આ ઉપરાંત ચોમાસું હોવાના કારણે હાલ નદીમાં પાણી ન માત્ર વહેતું પરંતુ ઉંડુ પણ છે.
ઘટનાને પગલે પ્રધાનમંત્રી નરેન્દ્ર મોદીએ શોક વ્યક્ત કર્યો હતો, તેમણે ટ્વીટ કરીને તાત્કાલિક લોકોને મદદ મળે તે માટે જરૂરી સૂચનો કર્યા હતા. આ સાથે જ ઘટનામાં મૃત્યુ પામેલા લોકોના પરિવારજનોને 2 લાખની સહાય અને ઈજાગ્રસ્તોને 50 હજારની સહાય આપવાની પ્રધાનમંત્રી મોદીએ જાહેરાત કરી છે.
PM @narendramodi spoke to Gujarat CM @Bhupendrapbjp and other officials regarding the mishap in Morbi. He has sought urgent mobilisation of teams for rescue ops. He has asked that the situation be closely and continuously monitored, and extend all possible help to those affected.
— PMO India (@PMOIndia) October 30, 2022
PM @narendramodi has announced an ex-gratia of Rs. 2 lakh from PMNRF for the next of kin of each of those who lost their lives in the mishap in Morbi. The injured would be given Rs. 50,000.
— PMO India (@PMOIndia) October 30, 2022
મોરબીની ઘટનાને પગલે મુખ્યમંત્રી ભૂપેન્દ્ર પટેલે ટ્વીટ કરી લખ્યું કે, મોરબીની દુર્ઘટનાને પગલે માનનીય પ્રધાનમંત્રી સાથેના આગળના કાર્યક્રમોને ટૂંકાવીને ગાંધીનગર પહોંચી રહ્યો છું. ગૃહ રાજ્યમંત્રીશ્રીને સ્થળ પર પહોંચી બચાવ કામગીરીનું માર્ગદર્શન કરવા જણાવ્યું છે. SDRF સહિતની ટૂકડીઓને બચાવ કામગીરી માટે મોબીલાઈઝ કરવામાં આવી છે.
મોરબીમાં ઝૂલતો પુલ તૂટવાની દુર્ઘટનાથી અત્યંત વ્યથિત છું. તંત્ર દ્વારા રાહત અને બચાવની કામગીરી ચાલુ છે. ઇજાગ્રસ્તોને સત્વરે સારવારની વ્યવસ્થા માટે તંત્રને સૂચના આપી છે. આ સંદર્ભે જિલ્લાતંત્ર સાથે સતત સંપર્કમાં છું.
— Bhupendra Patel (@Bhupendrapbjp) October 30, 2022
તો કોંગ્રેસના નેતા રાહુલ ગાંધીએ પણ મોરબીમાં બનેલી ઘટનાને લઇને શોક વ્યક્ત કર્યો છે, તેમણે ટ્વીટ કરતા લખ્યું કે, મોરબીમાં બનેલી ઘટનાના સમાચારથી દુ:ખ થયું છે. આવી મુશ્કેલની કોંગ્રેસના કાર્યકરોને રાહત અને બચાવમાં જોડાવા અપીલ કરી છે.
गुजरात के मोरबी में हुए पुल हादसे की खबर बेहद दुःखद है। ऐसे मुश्किल समय में मैं सभी शोकाकुल परिवारों को अपनी गहरी संवेदनाएं व्यक्त करता हूं।
सभी कांग्रेस कार्यकर्ताओं से अपील करता हूं कि दुर्घटना में घायल व्यक्तियों की हर संभव सहायता करें और लापता लोगों की तलाश में मदद करें।
— Rahul Gandhi (@RahulGandhi) October 30, 2022
