ન્યુઝીલેન્ડમાં ગુરુવારે સવારે ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા 7.1 આંકવામાં આવી છે. યુનાઇટેડ સ્ટેટ્સ જિયોલોજિકલ સર્વે અનુસાર, ભૂકંપ ન્યૂઝીલેન્ડના કર્માડેક દ્વીપ સમૂહમાં 10 કિલોમીટરની ઉંડાઇએ આવ્યો છે
ન્યુઝીલેન્ડમાં ગુરુવારે સવારે ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા 7.1 આંકવામાં આવી છે. યુનાઇટેડ સ્ટેટ્સ જિયોલોજિકલ સર્વે અનુસાર, ભૂકંપ ન્યૂઝીલેન્ડના કર્માડેક દ્વીપ સમૂહમાં 10 કિલોમીટરની ઉંડાઇએ આવ્યો છે. ભૂકંપના કારણે થયેલા નુકસાનનું હજુ આકલન કરવામાં આવી રહ્યું છે. ભૂકંપ બાદ હવે સુનામી એલર્ટ જારી કરવામાં આવ્યું છે.તુર્કી અને સીરિયામાં વિનાશક ભૂકંપ આવ્યો હતો
6 ફેબ્રુઆરીએ તુર્કી અને સીરિયામાં વિનાશક ભૂકંપ આવ્યો હતો. રિક્ટર સ્કેલ પર તેની તીવ્રતા 7.8 હતી. ભૂકંપના કારણે બંને દેશોમાં 50 હજારથી વધુ લોકોના મોત થયા હતા. સાથે જ લાખો મકાનો અને ઈમારતોનો ઢગલો થઈ ગયો. ભારતે બંને દેશોમાં મદદ માટે NDRF અને આર્મી મેડિકલ ટીમો પણ મોકલી હતી.
તુર્કી અને સીરિયામાં આવેલા ભૂકંપ બાદ અનેક દેશો મદદ માટે આગળ આવ્યા હતા. ભૂકંપથી 11 સૌથી મોટા પ્રાંતોમાં ઓછામાં ઓછા 9.1 મિલિયન લોકોને અસર થવાની ધારણા છે. લાખો લોકોના ઘરવિહોણા થવાને કારણે અનેક સમસ્યાઓ સામે આવી રહી છે. લોકોને હજુ પણ શેલ્ટર હોમની મદદ લેવી પડે છે. લોકોએ શાળાઓ અને હોસ્પિટલોમાં આશ્રય લીધો છે. લોકો ધાર્મિક સ્થળોએ પણ રહેવા મજબૂર બન્યા છે. હવામાનના કારણે લોકોને સૌથી વધુ સમસ્યાઓનો સામનો કરવો પડી રહ્યો છે. ઠંડીના કારણે લોકોની હાલત ખરાબ છે.
