કોથમીર સ્વાસ્થ્ય માટે ખૂબ જ ફાયદાકારક છે. મોટાભાગના લોકો રસોઇમાં કોથમીરનો ઉપયોગ કરતા હોય છે. કોથમીર રસોઇનો સ્વાદ વધારવાનું કામ કરે છે. દાળમાં અને શાકમાં કોથમીર નાંખો છો તો સ્વાદ અને સુગંધ એકદમ જ અલગ આવે છે. આ સ્મેલ પરથી આપણને ખાવાની ઇચ્છા થઇ જાય છે. આમ, જ્યારે મહિલાઓ શાકભાજી લે ત્યારે સૌથી પહેલા કોથમીર જ લેતી હોય છે. જો કે કોથમીર વિશે અનેક લોકોની ફરિયાદ હોય છે કે કોથમીર તાજી રહેતી નથી અને બગડી જાય છે. કોથમીર બગડી જવાને કારણે એને ફેંકવાનું વારો આવે છે. આ માટે તમે પણ આ ટિપ્સ જાણી લો અને કોથમીરને લાંબો સમય સુધી ફ્રેશ રાખો.
એર ટાઇટ ડબ્બામાં ભરો
બને ત્યાં સુધી કોથમીરને સમારીને એર ટાઇટ ડબ્બામાં ભરો. એર ટાઇટ ડબ્બામાં તમે કોથમીર સ્ટોર કરશો તો લાંબો સમય સુધી ફ્રેશ જ રહેશે. આ માટે તમે જ્યારે બજારમાંથી કોથમીર લાવો ત્યાર પછી એને સારી રીતે ધોઇ લો અને પછી એમાંથી બધુ પાણી નિકાળી દો. જ્યારે બધું પાણી નિકળી જાય ત્યારે એને ટિશ્યુ પેપરમાં 10 મિનિટ માટે મુકી દો. આમ કરવાથી પાણી બધુ ચુસાઇ જશે. ત્યારબાદ બીજુ એક ટિશ્યુ લો અને એમાં કોથમીર ભરો અને પછી એર ટાઇટ ડબ્બામાં મુકીને ફ્રિજમાં મુકી દો. આમ કરવાથી કોથમીર લાંબો સમય સુધી ફ્રેશ રહેશે.
પ્લાસ્ટિક બેગમાં રાખો
જો તમે કોથમીર એર ટાઇટ ડબ્બામાં રાખવા નથી ઇચ્છતા તો તમે પ્લાસ્ટિક બેગમાં પણ ભરી શકો છો. પરંતુ ખાસ ધ્યાન એ રાખો કે બેગ એકદમ ક્લિન હોવી જોઇએ. તો જ કોથમીર તાજી રહેશે નહિં તો બગડી જશે.
