વિધાનસભાની ચૂંટણીઓ જાહેર થયા પછી ભાજપ, કોંગ્રેસ અને આમ આદમી પાર્ટીમાં હલચલ વધારે જોવા મળી રહી છે. આમ આદમી પાર્ટી પહેલા જ પોતાના ઉમેદવારો જાહેર કરી ચૂકી છે તો મુખ્યમંત્રી નો ચહેરો પણ આમ આદમી પાર્ટી એ જાહેર કરી દીધો છે. આમ આદમી પાર્ટી એ મુખ્યમંત્રી પદના ઉમેદવાર તરીકે ઈસુદાન ગઢવી ને જાહેર કર્યા છે.
આ બાજુ શનિવાર મોડી રાત્રે કોંગ્રેસ પાર્ટી એ એક સાથે 43 જેટલા ઉમેદવારોની યાદી જાહેર કરી છે. કૉંગ્રેસ પાર્ટીએ જાહેર કરેલી યાદીમાં રાજકોટ દક્ષિણમાં હિતેશ વોરા અને ગ્રામ્ય માં સુરેશ બથવાર ની ટિકિટ આપી છે જ્યારે જસદણમાં પૂર્વ ધારાસભ્ય ભોળાભાઈ ગોહિલને ટિકિટ આપવામાં આવી છે. આ સાથે જ અમદાવાદના ઘાટલોડિયામાંથી અમીબેન યાગ્નિક ને ટિકિટ આપવામાં આવી છે.
