ભિલોડા,તા.૨૭
અરવલ્લી જિલ્લા મુખ્ય આરોગ્ય અધિકારી, એપેડીમિક મેડીકલ ઓફિસર, અરવલ્લીના માર્ગદર્શન હેઠળ તાલુકા આરોગ્ય અધિકારી ડો. વી.સી.ખરાડી ભિલોડાની રાહબરી હેઠળ માતુશ્રી એચ. જે. બારોટ – હાઈસ્કૂલ મઉંમાં તમાકુ નિયંત્રણ જન જાગૃતિ કાર્યક્રમ યોજાયો હતો.આચાર્ય, સ્ટાફ પરિવાર સહિત વિદ્યાર્થીઓ ઉપસ્થિત રહ્યા હતા.તાલુકા આરોગ્ય કચેરી, ભિલોડાના સંજયભાઈ બારોટ – તાલુકા આઈ.ઈ.સી.ઓ. એ તમાકુ અને તેના સેવનથી થઈ રહેલ મુશ્કેલીઓ, શારીરિક નુકસાન સહિત અનેક રોગો વિશે વિસ્તૃત માહિતી આપી હતી.સાથે જ અન્ય આરોગ્ય વિષયક કાર્યક્રમો વિશે પણ જાણકરી આપી હતી.સમગ્ર કાર્યક્રમની સંપુર્ણ માહિતી S.B.C.C – ટીમ – ભિલોડાએ આપી હતી.