અરવલ્લી જીલ્લા ખાણખનીજ વિભાગને ગાંધીનગર ભૂસ્તર વિભાગની ફ્લાઈંગ સ્કોડ અંધારામાં રાખી ધનસુરા પંથકમાં ત્રાટકી માટીના પાસના નામે બોકસાઈટ ખનીજનું ગેરકાયદેસર વહન કરતા સાત કન્ટેનરને ઝડપી પાડી કાયદેસરની કાર્યવાહી હાથધરી હતી ગાંધીનગર ભૂસ્તર વિભાગની ફ્લાઈંગ સ્કોડની સફળ કામગીરીથી જીલ્લા ખાણખનીજ વિભાગની કામગીરી સામે અનેક સવાલ પેદા થયા છે જીલ્લા ખાણખનિજ વિભાગની કચેરી ભ્રષ્ટાચાર થી ખદબદતી હોવાની ચર્ચાએ જોર પકડ્યું છે
અરવલ્લી જીલ્લામાં ખનિજ માફિયાઓ ગેરકાયદેસર ખનિજનું ખનન અને વહન કરી સરકારી તિજોરીની વર્ષે દહાડે કરોડો રૂપિયાનું નુકશાન પહોચાડી રહ્યા છે જીલ્લામાં ખનિજ માફિયાઓને છાવરવામાં આવતા હોવાનું જગજાહેર છે ત્યારે ગાંધીનગર ભૂસ્તર વિભાગની ખાનગી ટીમ અરવલ્લી જીલ્લામાં ત્રાટકતા જીલ્લા ખાણ ખનિજ વિભાગમાં દોડધામ મચી હતી ગાંધીનગર ભૂસ્તર વિભાગની ફ્લાઈંગ સ્કોર્ડની ટીમે ધનસુરા પંથકમાં ગેરકાયદેસર ખનીજ વાહન કરતા 7 કંન્ટેનર જપ્ત કર્યા હતા ફ્લાઈંગ સ્કોર્ડ ગાંધીનગરે મુદ્દામાલ ખાનખાણીજ કચેરી લાવી સિઝ કર્યો હતો જેમાં માટીના પાસ બતાવી બોક્સસાઈટનું ગેરકાયદેસર વહન કરવામાં આવતું હતું અંદાજીત 2.75 કરોડ નો મુદ્દામાલ સિઝ કરી ફ્લાઈંગ સ્કોર્ડ ગાંધીનગરે વધુ તપાસ હાથ ધરી હતી
