14 રાજ્યોની 46 વિધાનસભા બેઠકોના ચૂંટણી પરિણામો જાહેર થયા છે. પંજાબની 4 વિધાનસભા સીટોના નામ પણ આ યાદીમાં સામેલ છે. પંજાબની બરનાલા, ચબ્બેવાલ, ડેરા બાબા નાનક અને ગિદ્દેબાહા વિધાનસભા બેઠકો પર 13 નવેમ્બરે પેટાચૂંટણી યોજાઈ હતી. દેશના મોટાભાગના રાજ્યોમાં ભાજપ અને કોંગ્રેસ વચ્ચે સીધો મુકાબલો હતો, જ્યારે પંજાબમાં આમ આદમી પાર્ટીનો દબદબો છે. રાજ્યની 4 બેઠકોમાંથી 3 બેઠક AAPના ખાતામાં ગઈ છે.
પંજાબમાં કોણ જીત્યું?
પંજાબની 4 વિધાનસભા બેઠકો પર 13 નવેમ્બરે પેટાચૂંટણી યોજાઈ હતી. આજના પરિણામોમાં આમ આદમી પાર્ટીને 3 બેઠકો મળી છે. AAP નેતા ગુરદીપ સિંહ રંધાવાએ રાજ્યની ડેરા બાબા નાનક સીટ પર જીત મેળવી છે. ગિદ્દરબાહાથી AAP નેતા હરદીપ સિંહ ધિલ્લોન અને ચબ્બેવાલથી AAPના ડૉ ઈશાંક કુમાર જીતની ખૂબ નજીક છે. પંજાબની બરનાલા સીટ કોંગ્રેસના ખાતામાં આવી ગઈ છે. કોંગ્રેસ નેતા કુલદીપ સિંહ ધિલ્લોન અહીંથી જીત્યા છે.