ગુજરાત કાઉન્સિલ ઓન સાયન્સ એન્ડ ટેકનોલોજી પ્રેરિત મ.લા. ગાંધી ઉચ્ચતર કેળવણી મંડળ સંચાલિત જીલ્લો વિજ્ઞાન કેન્દ્ર, અરવલ્લી દ્વારા જિલ્લા કક્ષાની નેશનલ સાયન્સ ડે -2023 ની ઉજવણી કરવામાં આવી હતી, જેમાં મોડાસા કેળવણી મંડળ સંચાલિત કલરવ શિશુ વિકાસ કેન્દ્ર ના વિદ્યાર્થીઓ પણ જોડાયા હતા.
કલરવ સ્કૂલના ધોરણ-4 માં અભ્યાસ કરતા શર્મા પાવકી પ્રજ્ઞેશ કુમાર અને સુથાર વેદમ પુનિતકુમાર
પ્રોજેક્ટ- ભીનો કચરો -સુકો કચરો રજૂ કરતા અરવલ્લી જિલ્લામાં પ્રથમ સ્થાને આવેલ છે તેમજ ધોરણ -3 માં પંચાલ ખુશ અશ્વિનભાઈ અને બિહોલા પૂર્વરાજ સિંહ નાગેન્દ્રસિંહ એ પ્રોજેક્ટ ઉડન ખટોલા (રોપ-વે) રજૂ કરતા અરવલ્લી જિલ્લામાં દ્વિતીય સ્થાન પ્રાપ્ત કરેલ છે.
આ ઉપરાંત કલરવ શાળામાં આજરોજ બાળ વૈજ્ઞાનિક રોલ પ્લે એક્ટિંગ તથા વિજ્ઞાન મેળા નું આયોજન થયું હતું જેમાં બાળકોએ ખૂબ ઉત્સાહપૂર્વક ભાગ લીધો હતો આ પ્રસંગે મોડાસા કેળવણી મંડળના પ્રમુખ બીપીનભાઈ ર. શાહ, ઉપપ્રમુખ પંકજભાઈ બુટાલા, કે.એમ શાહ તથા મંત્રીઓ, મંડળના સર્વે હોદ્દેદારોએ બાળકોને/ વાલીઓ તથા શાળા પરિવારને અભિનંદન પાઠવ્યા હતા.