પનીર પૌંઆ…નામ સાંભળીને નવાઇ લાગી ને? તો નોંધ લો રેસિપી કેવી રીતે બનાવશો ઘરે

તમે ક્યારે ઘરે પનીર પૌંઆ બનાવ્યા છે? મોટાભાગના લોકોએ આ પૌંઆનો ટેસ્ટ કર્યો નહિં હોય. પનીર પૌંઆ ખાવાની બહુ જ મજા આવે છે. તો જાણો તમે પણ આ ટેસ્ટી-ટેસ્ટી પનીર પૌંઆ કેવી રીતે ઘરે બનાવશો.

સામગ્રી

1 બાઉલ પૌંઆ

વટાણા

છીણેલું પનીર

ઝીણાં સમારેલા લીલા મરચાં

ટામેટા

રાઇ

હળદર

લાલ મરચું

સૂકા લાલ મરચાં

સીંગદાણા

મીઠું

તેલ

બનાવવાની રીત

• પનીર પૌંઆ બનાવવા માટે સૌ પ્રથમ મિડીયમ આંચ પર એક પેનમાં તેલ ગરમ કરવા મુકો.
• તેલ ગરમ થાય એટલે એમાં રાઇ ઉમેરો.
• હવે તેલમાં સુકા લાલ મરચાં, ડુંગળી, લીલા મરચાં, ખમણેલું પનીર અને લીલા વટાણા એડ કરો.
• આમ, ડુંગળી અને પનીર આછા બ્રાઉન રંગના થાય એટલે એમાં ટામેટા અને મીઠું એડ કરી લો.
• જો તમે ટામેટા પહેલા એડ કરશો તો એકદમ સોફ્ટ થઇ જશે જેથી કરીને ટેસ્ટ સારો નહિં આવે.
• હવે પૌંઆને ધોઇને એક પ્લેટમાં લઇ લો.
• ટામેટા થોડા થઇ જાય એટલે એમાં હળદર અને મરચું એડ કરી દો.
• ત્યારબાદ પૌંઆ એડ કરો.
• હવે થોડુ મીઠું ફરીથી એડ કરી દો.
• 5 થી 7 મિનિટ રહીને ગેસ બંધ કરી દો.
• તો તૈયાર છે પનીર પૌંઆ
• આ પનીર પૌંઆ તમે સવારમાં નાસ્તામાં બનાવો છો તો ખાવાની બહુ જ મજા આવે છે. ચા સાથે આ પૌંઆ ખાઓ છો તો ટેસ્ટી લાગે છે.
• આ પૌંઆની ઉપર તમે સેવ અને સિંગદાણાથી ગાર્નિશ કરીને પછી ખાઓ છો તો ટેસ્ટ બહુ જ આવે છે અને તમને ખાવાની પણ મજા પડે છે.
• સાદા પૌંઆ તો તમે પણ ઘરે બનાવતા હશો પણ એક વાર અચુક આ પૌંઆ ટ્રાય કરો.