અરવલ્લી જિલ્લાના વિવિધ વિસ્તારોમાં જંગલોમાં આગ લાગવાની ઘટનાઓ ઘટી રહી છે અને વનવિભાગ શું કરે છે તે એક સવાલ છે. વનવિભાગના પાપે જંગલો બળી રહ્યા છે અને જંગલોનો નાશ થતો નરી આંખો જોઇ શકાય છે. રવિવારના રોજ બપોરના અરસામાં મોડાસાના ચાંદ ટેકરી વિસ્તારમાં આવેલા જંગલમાં ભિષણ આગ લાગવાની ઘટના ઘટી છે. હજરત સૈયદ પીર પન્નાસા અને તન્નાસા બાવાની દરગાહ નજીક આગની ઘટના ઘટી છે. ઘટનાની જાણ થતાં વનવિભાગ દોડતું થયું અને આગ પર કાબૂ મેળવવાનો પ્રયાસ હાથ ધરવામાં આવ્યો છે.
છેલ્લા ઘણાં સમયથી જિલ્લાના જંગલો જાણે આગના હવાલે થયા હોય તેમ સ્પષ્ટ લાગે છે, પણ આગ કોણ લગાવે છે તે ખ્યાલ નહીં પણ લોકચર્ચા ચોક્કસ છે કે, કોલસા કૌભાંડ માટે કૌભાંડીઓ આગ લગાવી જંગલોનો નખ્ખોદ વાળી નાખવા આમાદું થયું હોય તેમ સ્પષ્ટ લાગે છે. જંગલો છે તો શહેર છે કારણ કે, પર્યાવરણ માટે જંગલો હોવા જરૂરી છે, જે પવન તેમજ કુદરતી આપદાથી બચાવે છે, પણ અહીં તો જંગલોના સત્યાનાશ માટે ન જાણે કેમ વનવિભાગ આંખે પાટા બાંધીને માત્ર ગુલાબી કાગળ પાછળ ગાંડુ થયું હોય તેમ પર્યાવરણ પ્રેમીઓમાં ચર્ચાએ જોર પકડ્યું છે.
જુઓ ભિષણ આગનો વીડિયો
