બોલિવૂડ સ્ટાર વિકી કૌશલ 16 મેના રોજ 34 વર્ષનો થઈ ગયો છે. અભિનેતાએ તેનો 34મો જન્મદિવસ ભારતમાં નહીં પરંતુ ન્યૂયોર્કમાં તેના સાસરિયાંના ઘરે ઉજવ્યો હતો. વિકી કૌશલના જન્મદિવસની ઉજવણીનો એક વીડિયો સોશિયલ મીડિયા પર સામે આવ્યો છે, જે ઝડપથી વાયરલ થઈ રહ્યો છે. વિડીયો જોયા બાદ સ્પષ્ટ થાય છે કે કેટરીનાએ લગ્ન બાદ વિકી કૌશલના પહેલા જન્મદિવસને ખાસ બનાવવા માટે ઘણી મહેનત કરી છે.
આ વીડિયોમાં વિકી કૌશલ અને કેટરિના કૈફ કેક કાપતા જોવા મળી રહ્યા છે, જ્યારે વિક્કીની સાળીઓ અને તેમના મિત્રો તેમના માટે જન્મદિવસના ગીતો ગાઈ રહ્યા છે. આ દરમિયાન વિકી અને કેટરીના એકબીજા સાથે ખૂબ જ ખુશ દેખાઈ રહ્યા છે. સોશિયલ મીડિયા પર આ વીડિયો સામે આવ્યો છે, આ વીડિયો ખૂબ જ ઝડપથી વાયરલ થઈ રહ્યો છે.
કેટરીનાએ ઈન્સ્ટા પર તસવીરો શેર કરી
આ સાથે તમને જણાવી દઈએ કે કેટરીના કૈફે વિકી કૌશલને સેલિબ્રેશન અને ઈન્સ્ટાગ્રામ પોસ્ટ દ્વારા જન્મદિવસની શુભેચ્છા પાઠવી છે. લગ્ન પછી વિકી કૌશલનો પહેલો જન્મદિવસ. એક્ટરે તેની પત્નીની પોસ્ટ પર ફની કમેન્ટ કરી છે.
પત્નીએ આ રીતે કરી બર્થડે વિશ
કેટરીના કૈફે તેના ઈન્સ્ટાગ્રામ એકાઉન્ટ પર બે તસવીરો શેર કરી છે. આમાં તમે જોઈ શકો છો કે કેટરિના કૈફ અને વિકી કૌશલ રોમેન્ટિક અંદાજમાં જોવા મળી રહ્યા છે અને આ તસવીરો તેમના ન્યૂયોર્ક વેકેશનની છે. કેટરીના કૈફે આ સાથે કેપ્શનમાં લખ્યું, ‘ન્યૂયોર્ક વાલા બર્થડે માય હાર્ટ. તમે બધું સારું કરો.’ આ પોસ્ટ પર પ્રશંસકો વિકી કૌશલને તેના જન્મદિવસની શુભેચ્છાઓ પાઠવી રહ્યા છે. સાથે જ વિકી કૌશલે કોમેન્ટ કરતા લખ્યું છે કે, ‘વેડિંગ બર્થડે’.